ஆரோக்யா சேது ஆப், கோவின் ஆப் மற்றும் கோவின் வலைத்தளம் வழியாக கோவிட் 19 தடுப்பூசி சான்றிதழை பதிவிறக்குவது எப்படி, இதோ எளிய வழிமுறைகள் மற்றும் சில நிபந்தனைகள்.
COVID-19 தடுப்பூசி போட்டவர்கள் அதற்கான சான்றிதழை பதிவிறக்கம் செய்யலாம்
இதை ஆப் மற்றும் வலைத்தளம் வழியாக செய்யலாம்
கொரோனா தடுப்பூசி போடும் செயல்முறை இந்தியாவில் தொடங்கப்பட்டுள்ளது. முன்கள தொழிலாளர்களுக்குப் பிறகு, இப்போது தொற்று உள்ளதாக கருதப்படும் அறிகுறிகளை கொண்ட மூத்த குடிமக்களும், 45 வயதிற்கு மேற்பட்டவர்களும் கோவிட்-19 தடுப்பூசியை பெறுகிறார்கள்.
தடுப்பூசி போடுவது எவ்வளவு முக்கியமோ, அதேபோல தடுப்பூசி போட்டதற்கான ஆதாரத்தை வைத்திருப்பதும் முக்கியம், ஏனெனில் இது வரும் மாதங்களில் சர்வதேச பயணம் மற்றும் பல விஷயங்களுக்கு தேவைப்படலாம்.
ஒருவர் தடுப்பூசி போட்டுக்கொண்ட பின், அதை போட்டுக்கொண்டதற்கான கோவிட் -19 தடுப்பூசி சான்றிதழை பதிவிறக்கம் செய்ய வேண்டும். இந்த செயல்முறையை CoWin வலைத்தளம் அல்லது ஆப் மற்றும் ஆரோக்யா சேது ஆப் வழியாக நிகழ்த்தலாம்.
ஒருவேளை கோவிட் -19 தடுப்பூசி சான்றிதழை பதிவிறக்கம் செய்வதில் உங்களுக்கு ஏதேனும் குழப்பம் இருப்பின், இதோ அதை எப்படி செய்ய வேண்டும் என்பதற்கான எளிமையான மற்றும் படிப்படியான வழிகாட்டி!
முன்நிபந்தனைகள்:
ஆரோக்யா சேது ஆப்பின் சமீபத்திய பதிப்பு உங்கள் ஸ்மார்ட்போனில் இருப்பதை உறுதி செய்து கொள்ளவும்
- பின்னர் Beneficiary Reference ID (பயனர் ஐடி) உங்களிடம் இருக்க வேண்டும். இது தடுப்பூசிக்கு பதிவு செய்யும் நேரத்தில் வழங்கப்படும்
- கடைசியாக ஆக்டிவ் ஆக உள்ள மொபைல் எண்.
சரி இப்போது ஆரோக்யா சேது ஆப்பைப் பயன்படுத்தி கோவிட் -19 தடுப்பூசி சான்றிதழை பதிவிறக்குவது எப்படி என்கிற வழிமுறைகளை பார்ப்போம்:
1. முன்னரே குறிப்பிட்டப்படி, ஆரோக்யா சேது ஆப்பை அதன் லேட்டஸ்ட் வெர்ஷனுக்கு அப்டேட் செய்யவும்.
2. பின்னர் ஆப்பை திறந்து Cowin டேப்-ஐ கிளிக் செய்யவும்.
3. அங்கே Vaccination Certificate என்கிற விருப்பத்தை தேர்வு செய்யவும்.
4. பின்னர் உங்கள் Beneficiary Reference ID-ஐ உள்ளிட்டு Get Certificate என்கிற பட்டனை கிளிக் செய்யவும் (முன்னரே குறிப்பிட்டபடி Beneficiary Reference ID ஆனது தடுப்பூசிக்கு பதிவு செய்யும் நேரத்தில் பயனாளிக்கு வழங்கப்படும்)
இப்போது சான்றிதழ் பதிவிறக்கம் செய்யப்பட்டு உங்கள் ஸ்மார்ட்போனில் சேமிக்கப்படும்
இந்த செயல்முறையைப் பயன்படுத்த, பயனர்கள் தடுப்பூசி பதிவின் போது வழங்கிய அதே எண்ணுடன் ஆரோக்யா சேது ஆப்பை பதிவு செய்யதிருக்க வேண்டும் என்பதை நினைவில் கொள்க.
ஒரே எண்ணில் பதிவுசெய்யப்பட்ட ஆரோக்யா சேது ஆப் உங்களிடம் இல்லையென்றால் அல்லது வேறு ஒருவருக்காக சான்றிதழைப் பதிவிறக்க விரும்பினால், நீங்கள் கீழ்காணும் மற்ற 2 வழிகளில் ஒன்றை பயன்படுத்தி கோவிட் -19 தடுப்பூசி சான்றிதழை பதிவிறக்கலாம்:
CoWin வெப்சைட் வழியாக....
1. எந்தவொரு வெப் ப்ரவுஸரை பயன்படுத்தியும் ‘https://selfregistration.cowin.gov.in/vaccination-certificate’ என்கிற வலைத்தளத்திற்க்குள் நுழையவும்.
2. சான்றிதழைப் பதிவிறக்க Beneficiary Reference ID-ஐ உள்ளிட்டு, Search பட்டனை கிளிக் செய்யவும். பின்னர் உங்களுக்கான சான்றிதழ் கிடைத்ததும் அதை பதிவிறக்கம் செய்து கொள்ளவும்.
CoWin ஆப் வழியாக....
கோவின் ஆப் குடிமக்களுக்கு தடுப்பூசி பதிவு செய்ய அனுமதிக்கவில்லை என்றாலும், தடுப்பூசி சான்றிதழைப் பதிவிறக்குவதற்கான விருப்பத்தை வழங்குகிறது. இதைச் செய்ய, கோவின் ஆப்பைத் திறந்து, வெறுமனே Beneficiary ID-ஐ உள்ளிட்டு தேடினால் போதும்.
Comments
Post a Comment