கோவிஷீல்டு, கோவேக்சின் தடுப்பூசிகளின் செயல்திறனை ஆராய மருத்துவ கவுன்சில் முடிவு

கோவிஷீல்டு, கோவேக்சின் தடுப்பூசிகளின் செயல்திறனை ஆராய மருத்துவ கவுன்சில் முடிவு செய்துள்ளது. இதற்கான முதல் சோதனை அடுத்த வாரம் தொடங்குகிறது என தெரிவிக்கப்பட்டுள்ளது.

நாட்டில் கொரோனாவுக்கு எதிரான போரில் ஆஸ்ட்ராஜெனகாவின் கோவிஷீல்டு, பாரத் பயோடெக்கின் கோவேக்சின் தடுப்பூசிகள் பயன்படுத்தப்பட்டு வருகின்றன. இதுவரை இந்த இரண்டு தடுப்பூசிகளையும் சேர்த்து 20 கோடிக்கு மேற்பட்ட டோஸ்கள் போடப்பட்டுள்ளன.

இந்நிலையில், இந்தியாவில் இந்த தடுப்பூசிகள் அறிமுகப்படுத்தப்பட்ட பிறகு முதல் முறையாக அவற்றின் செயல்திறனை ஆராய இந்திய மருத்துவ ஆராய்ச்சி கவுன்சில் (ஐ.சி.எம்.ஆர்.) முடிவு செய்துள்ளது.

இதன்படி, இந்த இரு தடுப்பூசிகளில் ஒன்றை ஒரு டோஸ் அல்லது இரண்டு டோஸ் போட்டுக்கொண்ட 45 வயதுக்கு மேற்பட்ட சுமார் 4 ஆயிரம் பேர் ஆய்வு செய்யப்படுவார்கள். இந்த சோதனை அடுத்த வாரம் முதல் தொடங்குகிறது என சென்னையில் உள்ள ஐ.சி.எம்.ஆர்.ன் தேசிய தொற்றுநோயியல் நிறுவன மூத்த விஞ்ஞானி தருண் பட்நாகர் தெரிவித்துள்ளார்.

💉💉💉💉💉💉💉💉💉💉💉💉💉💉💉

Also read : பல வகை கொரோனாவுக்கும் தடுப்பூசிகள் பலன் தரும் - ஆய்வு முடிவு