கொரோனா தடுப்பூசிகள் தயாரிப்பில் பெரும் லாபம் - மருந்து தயாரிப்பு நிறுவனங்களின் சொத்து மதிப்பு பல மடங்கு அதிகரிப்பு

கொரோனா தடுப்பூசிகள் தயாரிப்பில் ஈடுபட்டுள்ள மருந்து தயாரிப்பு நிறுவனங்களின் சொத்து மதிப்பு பல மடங்கு அதிகரித்துள்ளது.

கொரோனா தடுப்பூசிகள் தயாரிப்பில் ஈடுப்பட்டுள்ள முன்னணி மருந்து தயாரிப்பு நிறுவனங்களை சேர்ந்த ஒன்பது புதிய பெரும் பணக்கார்களின் மொத்த சொத்து மதிப்பு 1.41 லட்சம் கோடி ரூபாய் என்று கணிக்கப்பட்டுள்ளது. 

இந்த ஒன்பது புதிய பணக்காரர்களை தவிர, இந்தத் துறையில் ஏற்கனவே உள்ள எட்டு பெரும் பணக்காரர்களின் மொத்த சொத்து மதிப்பு கடந்த சில மாதங்களில் 2.35 லட்சம் கோடி ரூபாய் அளவுக்கு அதிகரித்துள்ளது. 

இந்த பட்டியலில் முதல் இரண்டு இடத்தில் மாடெர்னா நிறுவனத்தின் ஸ்டீபன் பேன்செல் மற்றும் பையாண்டெக் நிறுவனத்தின் உகுர் சஹின் ஆகிய இருவரும் உள்ளனர். சீனத் தடுப்பூசி தயாரிப்பு நிறுவனமான கான்சினோ பையோலாஜிக்ஸ் நிறுவனத்தை உருவாக்கிய மூவர் இந்த பட்டியலில் அடுத்த இடங்களில் உள்ளனர். 

தடுப்பூசிகள் தயாரிப்பில் ஏகபோக உரிமை பெற்று, பெரும் லாபம் அடைவதை அனுமதிக்கக் கூடாது என்று ஆக்ஸ்பேம் தொண்டு நிறுவனத்தைச் சேர்ந்த அன்னா மேரியாட் கூறுகிறார். தடுப்பூசிகளுக்கான காப்புரிமைகளை ரத்து செய்து, உலகில் யார் வேண்டுமானாலும் அவற்றை தயாரிக்க அனுமதிக்க வேண்டும் என்று அமெரிக்கா, இந்தியா, தென் ஆப்பரிக்கா, பிரான்ஸ் உள்ளிட்ட பல்வேறு நாட்டு அரசுகள் குரல் கொடுத்து வருவது குறிப்பிடத்தக்கது. 

Also read : ஊரடங்கு நீட்டிப்பா? தமிழக முதல்- அமைச்சர் மு.க.ஸ்டாலின் இன்று முக்கிய ஆலோசனை