மெட்ரோ ரெயிலில்... புதிய கின்னஸ் சாதனை

டெல்லி மெட்ரோ ஊழியரான பிரபுல் சிங், 16 மணி நேரத்தில், 348 கி.மீ தொலைவு கொண்ட 254 ரெயில் நிலையங்களுக்கு வேகமாகப் பயணித்து கின்னஸ் உலக சாதனை படைத்திருக்கிறார்.

தினமும் பல ஆயிரம் பேர் ரெயில் போக்குவரத்தை பயன்படுத்துகிறார்கள். சிலர் வருடக்கணக்காக பயன்படுத்துகிறார்கள். அவர்களுக்கு எல்லாம் வராத சிந்தனை டெல்லியை சேர்ந்த பிரபுல் சிங்கிற்கு வந்திருக்கிறது. அது என்ன தெரியுமா...? ரெயில் போக்குவரத்தில் புதிய கின்னஸ் சாதனை படைப்பது. ஆம்...! டெல்லி மெட்ரோ ஊழியரான பிரபுல் சிங், 16 மணி நேரத்தில், 348 கி.மீ தொலைவு கொண்ட 254 ரெயில் நிலையங்களுக்கு வேகமாகப் பயணித்து கின்னஸ் உலக சாதனை படைத்திருக்கிறார். இது குறித்து பிரபுல்சிங், “பல ஆண்டுகளாகவே நான் டெல்லி மெட்ரோ ரெயில் நிலையங்கள் வழியே பயணித்துக் கொண்டிருக்கிறேன். எதார்த்தமாக, மெட்ரோ ரெயில் நிலையத்திலேயே வேலையும் கிடைத்தது. என் வாழ்க்கையோடு கலந்திருக்கும் மெட்ரோ ரெயில் மூலமாக ஏதாவது ஒரு சாதனை படைக்க திட்டமிட்டேன். அதுதான் இப்போது நிகழ்ந்திருக்கிறது. பழக்கப்பட்ட ரெயில் பாதை என்பதால், இந்த சாதனையைப் படைப்பது எளிதாக இருந்தது.

அனைத்து மெட்ரோ ரெயில் நிலையங்களிலும் படேல் சவுக் ரெயில் நிலையம் தான் எனக்குப் பிடிக்கும். ஏனெனில் இது டெல்லியைக் கொண்டாடும் ஒரு சிறிய அருங்காட்சியகத்தையும் இந்தியாவின் முதல் நவீனமயமாக்கப்பட்ட போக்குவரத்து வசதியையும் கொண்டுள்ளது” என்றார்.

Also read  : முடிந்தால் பறவையை கண்டுபிடியுங்கள்! வைரல் புகைப்படம்.....