சூப்பரான மஷ்ரூம் ஃப்ரைடு ரைஸ்

காளானில் பல்வேறு ரெசிபிகளை செய்யலாம். இன்று காளான் சேர்த்து சூப்பரான ஃப்ரைடு ரைஸ் செய்வது எப்படி என்று பார்க்கலாம்.

தேவையான பொருட்கள்:

காளான்கள் - 250 கிராம்

இஞ்சி, பூண்டு - ஒரு தேக்க‌ர‌ண்டி

வெங்காய‌த்தாள் - சிறிதளவு

பெரிய வெங்காயம் - ஒன்று

குடைமிளகாய் - சிறியது 1

ப‌ச்சை மிள‌காய் - 3

சோயா சாஸ் - 4 தேக்கரண்டி

மிள‌குத்தூள் - ஒரு தேக்க‌ர‌ண்டி

உதிரியாக வடித்த சாத‌ம் - 4 கப்

உப்பு - தேவைக்கேற்ப

எண்ணெய் - தேவையான அளவு

செய்முறை:

காளான்களை நீரில் சுத்தப்படுத்தி, நீளமான துண்டுகளாக நறுக்கிக்கொள்ளவும்.

குடைமிளகாய், பெரிய வெங்காயத்தை நீளவாக்கில் வெட்டிக் கொள்ளவும்.

இஞ்சி, பூண்டு, ப.மிளகாயை பொடியாக நறுக்கி கொள்ளவும்.

பச்சைமிளகாயையும் வெங்காயத்தாளையும் பொடியாக நறுக்கி வைத்துக்கொள்ளவும்.

ஒரு பெரிய வாணலியில், சிறிதளவு எண்ணெயை விட்டு சூடானதும் வெங்காய‌ம், பச்சைமிளகாய் ஆகியவற்றை ஒவ்வொன்றாகச் சேர்த்து வ‌த‌க்க‌வும்.

அடுத்து பூண்டு, இஞ்சி சேர்த்து, சிறிது நேர‌ம் வத‌க்கிவிட்டு, நறுக்கிய காளான் துண்டுகளை வாணலியில் சேர்க்கவும்.

அடுத்து அனைத்தையும் நன்கு கிளறி வதக்கும்போது வெங்காயம், பச்சைமிளகாய், குடைமிளகாய், காளான்கள் அனைத்தும் நன்கு கலந்திருக்கும். அதனுடன் சிறிதளவு உப்பு சேர்த்து, வடித்து வைத்திருந்த சாதத்தைக் கொட்டி கிளறவும்.

பின்னர் மிளகுத்தூள், சோயா சாஸ் முதலியவற்றைச் சேர்த்து வாணலி சூட்டிலேயே இறக்கி, அதன் மேல் சில வெங்காயத்தாள்களை தூவி கலந்தால் சூடான அட்டகாசமான சுவையில் மஷ்ரூம் ஃப்ரைடு ரைஸ் தயார்.

Also  read: சத்தான சுவையான வெஜிடபிள் பொங்கல்