உலகின் உயரமான பெண் படைத்த மேலும் 3 கின்னஸ் சாதனை..!!

உலகின் உயரமான பெண் ருமேசா கெல்கி மேலும் 3 கின்னஸ் சாதனைகளை படைத்துள்ளார்.

உலகின் உயரமான பெண் என்ற கின்னஸ் சாதனையை ஏற்கனவே பெற்று இருப்பவர் துருக்கியைச் சேர்ந்த ருமேசா கெல்கி (24). இவர் 215.16 செண்டிமீட்டர் ( 7 அடி 7 அங்குலம்) உயரம் உடையவர்.

1997 ஆம் ஆண்டு பிறந்த இவர் வழக்கறிஞர், ஆராய்ச்சியாளர் மற்றும் பொறியாளர் என பன்முக திறமை கொண்டவர். கடந்த ஆண்டு அக்டோபர் மாதம் முதல், உலகின் மிக உயரமான பெண் என்ற கின்னஸ் சாதனையை இவர் பெற்றார்.

இந்த நிலையில் இவர் தற்போது மேலும் 3 கின்னஸ் சாதனைகளை படைத்துள்ளார். அதாவது உலகின் மிக நீளமான விரல் (11.2 செ.மீ ) கொண்ட பெண் என்ற சாதனையை இவர் படைத்துள்ளார்.

மேலும் உலகின் மிகப்பெரிய கைகள் உடைய பெண் என்ற சாதனையும் இவர் வசமாகியுள்ளது. அவரது வலது கை 24.93 செமீ (9.81 அங்குலம்) மற்றும் இடது கை அளவு 24.26 செமீ (9.55 அங்குலம்) கொண்டதாக உள்ளது.

உலகின் நீண்ட முதுகு 59.90 செமீ (23.58 அங்குலம்) உடைய பெண் என்பதற்காகவும் தற்போது இவருக்கு கின்னஸ் சாதனை வழங்கப்பட்டுள்ளது.

Also read : 311 லிட்டர் மதுபானத்தை உள்ளடக்கிய உலகின் மிகப்பெரிய விஸ்கி பாட்டில் ஏலம்.!