அழுவது ஆரோக்கியமே!

எதிர்பாராத துயர சம்பவங்கள் நிகழும்போதோ, மனதை காயப்படுத்தும் நிகழ்வுகளை எதிர்கொள்ளும்போதோ அழுகை பீறிட்டு வெளிப்படும். சோகம், பயம், மனக்கவலை காரணமாகவும் சிலருக்கு கண்ணீர் வெளியேறும்.

அந்த சமயங்களில் அழுவது ஒருவகையில் ஆரோக்கியமானதும் கூட. அழும்போது மன அழுத்தத்திற்கு வித்திடும் ஹார்மோன்களின் அளவு குறையக்கூடும். அதன் மூலம் மன அழுத்தத்தில் இருந்து விடுபடுவதற்கு வழிவகை ஏற்படும். உடலில் உள்ள தேவையற்ற ரசாயனங்களின் தன்மையும் குறையக்கூடும்.

அழுவது கண்களுக்கும் நன்மை சேர்க்கும். அழுவதன் மூலம் கண் வறட்சி, கண்கள் சிவத்தல், கண் எரிச்சல் போன்ற பிரச்சினைகளை கட்டுப்படுத்தலாம். அழும்போது கண்ணீர் வெளிப்படுவது ஆக்ஸிடாஸின் மற்றும் எண்டோர்பின்களை வெளியிட உதவுவதாக ஆய்வுகள் குறிப்பிடுகின்றன. இவை வெளியேறுவது மனநிலையை மேம்படுத்த உதவும். உணர்வு ரீதியாக தூண்டப்படும் கண்ணீரில் லைசோசம் எனப்படும் நொதி வெளிப்படும். அது பாக்டீரியா எதிர்ப்பு பண்புகளை கொண்டது. அதனால் அழுவது பாக்டீரியாக்களை கொல்லவும், கண்களை சுத்தமாக வைத்திருக்கவும் உதவும்.

குழந்தைகள் அழுவது நன்றாக தூங்குவதற்கு வழிவகுக்கும் என்று ஆய்வுகள் கூறுகின்றன. அழுவது குழந்தையின் மன நிலையை அதிகரிக்க உதவும். உடல் வலியையும் குறைக்கும். அதனால் நன்றாக தூங்குவார்கள். அழுவது 

குழந்தைகளின் தூக்க நிலையை மேம்படுத்தும் என்பதை ஆய்வுகளும் உறுதிபடுத்தியுள்ளன. கண்களை சுத்தப்படுத்துவதற்கு அழுகை ஒன்றுதான் சிறப்பானது. அதனால் அழுவது உடலுக்கு நல்லது.

Also read : 

ஆப்பிள் டெய்லி நேற்றுடன் நிறுத்தம்; கடைசி நாளில் 10 லட்சம் பிரதி விற்பனை