இளஞ்சிவப்பு நிற உதடுகளுக்கு டை லிப் மாஸ்க் உதவும். கிவி மற்றும் தயிர் சேர்த்து தயாரிக்கும் லிப் மாஸ்க் தயாரிப்பு குறித்து பார்க்கலாம்.
உதடு பராமரிப்பு என்பது முக்கியமான பராமரிப்பு. இளஞ்சிவப்பு உதடுகளுக்கு லிப் பாம், லிப்ஸ்டிக் என்று பயன்படுத்துவது தற்காலிகமானதாகவே இருக்கும். அதே நேரம் இந்த பொருள்களை தொடர்ந்து பயன்படுத்தினால் உதடுகள் வறண்டு வெடித்துபோகவும் வாய்ப்புண்டு.
உங்கள் உதடு மென்மையான மிருந்துவான ஈரமான உதடுகளை பெறுவதற்கு இந்த டை லிப் மாஸ்க் பயன்படுத்தலாம். பல வகையான டை லிப் மாஸ்க் உண்டு. தற்போது கிவிப்பழம் மற்றும் தயிர் சேர்த்து தயாரிக்கும் லிப் மாஸ்க் எப்படி தயாரிப்பது என்பதை பார்க்கலாம்.
லிப் மாஸ்க் ஏன் தேவை?
உதடுகளில் வெடிப்பு ஏற்பட்டு லிப் பாம்கள் பயன்படுத்தினாலும் அவை செயல்படவில்லையெனில் லிப் மாஸ்க்கிற்கு மாற வேண்டிய நேரம் இது.
லிப் பாம்கள் உங்கள் உதடுகளின் இயற்கையான ஈரப்பதத்தை மட்டுமே மூடும். ஈரப்பதத்தை வெளியேற்றுவதை தடுக்க செய்யும். ஆனால் உதடுகள் கடுமையான நீரிழப்புடன் இருந்தால் அது ஈரப்பதம் உள்ளே வராமல் தடுக்கும்.
ஒரு லிப் மாஸ்க் உங்கள் உதடுகளுக்கு எதிராக தண்ணீரை பிணைத்து மீண்டும் நீரேற்றம் செய்யலாம். இது உலர்ந்த வெடிப்புகளை குணப்படுத்துவதோடு மென்மையாக வைத்திருக்கவும் செய்யும். வீட்டில் கிவி மற்றும் தயிர் சேர்த்து தயாரிக்கப்படும் லிப் மாஸ்க் குறித்து இப்போது பார்க்கலாம்.
கிவி மற்றும் தயிர் லிப் மாஸ்க்
தேவை
தயிர் - 2 டீஸ்பூன்
கிவி மசித்தது - 1 டீஸ்பூன்
தயிர் மற்றும் கிவி மசித்ததை சேர்த்து கட்டியில்லாமல் மென்மையான பேஸ்ட் ஆக உருவாக்கவும்.
இந்த பேஸ்ட்டை உங்கள் உதடுகளில் தடவி 20-30 நிமிடங்கள் காத்திருக்கவும்
வெதுவெதுப்பான நீரில் கழுவி உதடுகளை உலர வைக்கவும்.
தினமும் ஒரு முறை இதை செய்து வந்தால் வெடிப்பு கொண்டுள்ள உதடுகள் சரியாக கூடும்.
கிவி தயிர் லிப் மாஸ்க் நன்மைகள்
இந்த எக்ஸ்ஃபோலியேட் டை லிப் மாஸ்க் உதடுகளை மென்மையாகவும் மிருதுவாகவும் வைத்திருக்க செய்கிறது. தயிர் உங்கள் சருமத்தை ஈரப்பதமாக வைத்து, அதன் நெகிழ்ச்சித்தன்மையை அதிகரிக்கும்.
இந்த மாஸ்க் குழந்தைகள், பெண்கள், ஆண்களும் பயன்படுத்தலாம். எல்லா பருவக்காலங்களிலும் ஏற்றது. தினசரி இதை தடவி வந்தால் லிப்ஸ்டிக் போடாமலே உதடுகள் இளஞ்சிவப்பாக மென்மையாக பளபளப்பாக மாறுவதை பார்க்கலாம்.
கிவிப்பழ நன்மைகள்
கிவியில் இருக்கும் வைட்டமின்கள் சி மற்றும் ஈ நிறைந்துள்ளது. இது கொலாஜன் உற்பத்தியை அதிகரிக்கும் சருமத்தை ஃப்ரீ ரேடிக்கல் சேதத்திலிருந்து பாதுகாக்கும்.
இது பல ஊட்டச்சத்துக்களின் முக்கிய ஆதாரமாகும். இது பழத்தை எடுத்துகொள்வதோடு மட்டும் அல்லாமல் இதை மேற்பூச்சாக பயன்படுத்தும் போது சருமமும் அந்த நன்மையை பெறுகிறது.
கிவி வைட்டமின்கள் ஏ, சி மற்றும் ஈ ஆகியவற்றின் வளமான மூலமாகும். இது சருமத்தின் நெகிழ்ச்சித்தன்மையை அதிகரிக்க உதவுகிறது மற்றும் திசுக்கள் சேதத்தை அழிக்கிறது. இதில் இருக்கும் ஒமேகா 3 கொழுப்பு அமிலங்கள் ஆகும். இது சருமத்தை மிருதுவாகவும், மென்மையாகவும் மாற்றுகிறது.
தயிர் நன்மைகள்
2015 ஆம் ஆண்டின் மதிப்பாய்வின் படி புளித்த பால் பொருள்களை சருமத்துக்கு மேற்பூச்சு செய்யும் போது அது சருமத்துக்கு நன்மை பயக்கும் என்று வரையறுக்கப்பட்டுள்ளது. இது குறித்த சிறிய ஆராய்ச்சி மட்டுமே உள்ளது என்பதும் குறிப்பிடத்தக்கது.
தயிரில் இருக்கும் லாக்டிக் அமிலம் தோல் பராமரிப்பு நன்மைகளை அளிப்பதே இதற்கு காரணம் லாக்டிக் அமிலம் என்பது ஆல்பா ஹைட்ராக்ஸி அமிலம் ஆகும். இது முகப்பரு தயாரிப்புகளில் பயன்படுத்தப்படும் முக்கிய பொருள்.
இது சருமத்தின் வீக்கத்தை குறைத்தல் மற்றும் மென்மையான புதிய தோலின் வளர்ச்சியை தூண்டுவதற்கு உதவுவதாக கண்டறியப்பட்டுள்ளது.
தயிர் உதட்டை ஹைட்ரேட் செய்ய உதவும். உதட்டை மென்மையாக பளபளப்பாக வைத்திருக்க செய்யும்.
also read : நரை முடியை மீண்டும் கருகருன்னு மாத்தனுமா? இதோ சில அற்புத வழிகள்.........
Comments
Post a Comment