செவ்வாய் கோளில் இருந்து சிக்னல்களை பெற சீனா உருவாக்கிய பிரம்மாண்ட ஆண்டெனா.

செவ்வாய் கோளில் இருந்து சிக்னல்களை பெறுவதற்காக, 10 கால்பந்து மைதானங்கள் அளவுக்கு பெரிய, 2700 டன் எடை கொண்ட, ராட்சத ஆண்டெனாவை சீனா உருவாக்கியுள்ளது.

செவ்வாய் கோளுக்கு ஆர்பிட்டர், லேண்டர், ரோவர் ஆகிய மூன்றையும் தியான்வென்-1 (Tianwen-1) என்ற திட்டத்தின் கீழ் சீனா அனுப்பியுள்ளது. வரும் 10ஆம் தேதி வாக்கில் செவ்வாயின் சுற்றுவட்டப்பாதையிவ் தியான்வென்-1 நுழைகிறது.

அதன் பிறகு லேண்டர் மற்றும் ரோவரை செவ்வாயின் தரையில் இறக்க சீனா திட்டமிட்டுள்ளது. ஒரே பயணத்தில் ஆர்பிட்டர், லேண்டர், ரோவர் மூன்றையும் செவ்வாயில் தரையிறக்கிய முதல் நாடு என்ற சாதனை முயற்சியாக தியான்வென்-1 திட்டத்தை சீனா முன்னெடுத்துள்ளது.

சுமார் 40 கோடி கிலோமீட்டர்களுக்கு அப்பால் இருந்து இந்த 3 கருவிகளும் செவ்வாயில் இருந்து அனுப்பும் சிக்னல்களை பெறுவதற்காக, பூமியில் பிரம்மாண்ட ஆண்டெனாவையும் தயார்செய்துள்ளது சீனா.

Also read :  விவசாயிகளின் அமைதியான போராட்டத்திற்கு எனது ஆதரவு தொடரும்” - கிரேட்டா மீண்டும் ட்வீட்