சுத்துதே சுத்துதே நெட்வொர்க்...“இணையத்தின் வேகம் படுமோசம்; கடைசி 10 இடத்தில் இந்தியா”

              சுத்துதே சுத்துதே பூமி

இது போதுமடா போதுமடா சாமி” - என மறைந்த பாடலாசிரியர் நா.முத்துக்குமார் கடந்த 2010இல் வெளியான பையா படத்தின் டூயட் பாடலுக்காக எழுதிய வரிகள் இப்போது இந்திய மொபைல் இணையதள வேகத்துடன் ஒத்துப் போகிறது. அண்மையில் உலகம் முழுவதுமுள்ள நாடுகளின் இணையதள வேகத்தை கணக்கிட்டு சொல்லும் ஸ்பீட் டெஸ்டின் (Ookla) Global Index-இல் இந்தியாவுக்கு 131வது இடம் கிடைத்துள்ளது. மாதந்தோறும் இந்த இண்டக்ஸை ஸ்பீட் டெஸ்ட் வெளியிடும். இந்த நிலையில் கடந்த ஜனவரி மாத்திற்கான முடிவுகள் தற்போது வெளியாகி உள்ளன. 

டிசம்பர் மாதத்துடன் ஒப்பிடும் போது இரண்டு இடங்கள் பின்தள்ளப்பட்டுள்ளது இந்தியா. அண்மையில் தான் இந்தியாவில் 5ஜி இணைய சேவை பரிசோதிக்கப்பட்டதாக தெரிவிக்கப்பட்டிருந்தது. இந்தியாவில் இணையத்தின் டவுன்லோட் வேகம் நொடிக்கு 12.41 மெகா பிட்ஸாகவும், அப்லோட் வேகம் நொடிக்கு 4.76 மெகா பிட்ஸாகவும் உள்ளது.

சுமார் 140 நாடுகளின் இணைய வேகத்தின் சேவையை Ookla கணக்கிட்டுள்ளது. இந்தியா அதில் கடைசி பத்து இடங்களை பிடித்துள்ளது. 

இந்த பட்டியலில் அமீரகம், தென் கொரியா மற்றும் கத்தார் ஆகிய நாடுகள் முதல் மூன்று இடத்தை பிடித்துள்ளன.

Also read ;  19 செயற்கைகோள்களை சுமந்து பி.எஸ்.எல்.வி. சி-51 ராக்கெட் இன்று விண்ணில் பாய்கிறது