வருகிற 15, 16-ந்தேதிகளில் இந்தியா முழுவதும் வங்கி ஊழியர்கள் வேலைநிறுத்தம்

வருகிற 15, 16-ந்தேதிகளில் இந்தியா முழுவதும் வங்கி ஊழியர்கள் வேலைநிறுத்ததில் ஈடுபட போவதாக அறிவித்துள்ளனர்.

திருச்சி, 

திருச்சியில் நடந்த நிகழ்ச்சியில் வங்கி அதிகாரிகள் சங்கத்தின் அகில இந்திய பொதுச்செயலாளர் ஜி.வி.மணிமாறன் பேசியதாவது:-

மத்திய அரசு தாக்கல் செய்த பட்ஜெட்டில் மேலும் 2 பொதுத்துறை வங்கிகள் தனியார் மயமாக்கப்படும் என்று அறிவிக்கப்பட்டிருந்தது. இதனை எதிர்த்து நமது கண்டனத்தை ஏற்கனவே தெரிவித்து விட்டோம். ஆனாலும் தனியார் மயமாக்கும் முயற்சிகள் தொடர்ந்து நடந்து கொண்டுதான் இருக்கின்றன.

இதை கண்டித்து அகில இந்திய அளவில் வங்கி ஊழியர்கள் வருகிற 15, 16 ஆகிய தேதிகளில் வேலைநிறுத்தப் போராட்டம் ஏற்கனவே அறிவித்தபடி நடைபெற உள்ளது. நாம் அனைவரும் ஒன்று சேர்ந்து போராடுவதன் மூலம் தேசியமயமாக்கப்பட்ட வங்கிகள் தனியார் மயமாக்கப்படுவதை தடுத்து நிறுத்த முடியும்.

இவ்வாறு அவர் பேசினார்.

Also read : சுத்துதே சுத்துதே நெட்வொர்க்...“இணையத்தின் வேகம் படுமோசம்; கடைசி 10 இடத்தில் இந்தியா”