இந்தியாவின் கோவேக்ஸின் கொரோனா தடுப்பூசி வாங்க பிரேசில் ஒப்பந்தம்.

இந்தியாவின் கோவேக்ஸின் கொரோனா தடுப்பூசி வாங்க பிரேசில் ஒப்பந்தம் செய்துள்ளது.

சாவோ பாலோ, 

உலகில் கொரோனா தொற்றால் உயிரைப் பறிகொடுத்தோர் எண்ணிக்கையில் 2-வது இடத்தில் இருக்கும் நாடு, பிரேசில். அங்கு கொரோனா பலி எண்ணிக்கை நேற்று முன்தினம் 2.50 லட்சத்தை தொட்டது. அதே நாளில், இந்தியாவின் பாரத் பயோடெக் மருந்து நிறுவனத்திடம் இருந்து 2 கோடி கோவேக்சின் தடுப்பூசிகளை பெறுவதற்கு பிரேசில் சுகாதார அமைச்சகம் ஒப்பந்தம் போட்டது.

பிரேசில் மருந்து உற்பத்தி நிறுவனமான பிரெசிஸ்கா மெடிகமென்டோஸ் தயாரிக்கும் 80 லட்சம் தடுப்பூசிகள் மார்ச் மாதத்தில் கிடைக்கும். இரண்டாவது கட்டமாக ஏப்ரல் மாதத்தில் 80 லட்சம் தடுப்பூசிகளும், மே மாதத்தில் மேலும் 40 லட்சம் தடுப்பூசிகளும் கிடைக்கும் என பிரேசில் அரசு நிர்வாகம் தெரிவித்துள்ளது.

பாரத் பயோடெக் உடனான பிரேசிலின் ஒப்பந்தம் குறித்து அந்நிறுவனமோ, பிரெசிஸ்கா மெடிகமென்டோஸ் நிறுவனமோ உறுதி செய்யவில்லை.

20.1 கோடி மக்கள்தொகை கொண்ட பிரேசிலில், இதுவரை 4 சதவீதத்துக்கும் குறைவானவர்களுக்கு மட்டுமே தடுப்பூசி போடப்பட்டுள்ளது. தடுப்பூசிதடுப்பூசி பற்றாக்குறை காரணமாக அந்நாட்டில் சில நகரங்களில் கொரோனா தடுப்பூசி செலுத்தப்படுவது கடந்த வாரம் நிறுத்தப்பட்டது.

Also read :  இந்தியாவில் இருந்து அனுப்பிய 5 லட்சம் தடுப்பூசிகளை இலங்கை பெற்றது.