இன்றும், நாளையும் தடுப்பூசி போடும் பணிகள் நடைபெறாது மத்திய அரசு அறிவிப்பு

இணையதள பராமரிப்பு பணிக்காக இன்றும், நாளையும் தடுப்பூசி போடும் பணிகள் நடைபெறாது மத்திய அரசு அறிவித்துள்ளது.

இந்தியாவில் கடந்த மாதம் 16-ந் தேதி முதல் கொரோனா தடுப்பூசி போடும் பணிகள் நடந்து வருகிறது. இதில் முதற்கட்டமாக சுகாதார பணியாளர்கள் மற்றும் முன்கள பணியாளர்களுக்கு போடப்பட்டு வருகிறது.

இதில் நேற்று காலை வரை 1.34 கோடிக்கு மேற்பட்ட டோஸ்கள் போடப்பட்டு உள்ள நிலையில், 2-ம் கட்டமாக 60 வயதுக்கு மேற்பட்டவர்கள் மற்றும் 45 வயதுக்கு மேற்பட்ட நோயாளிகளுக்கு வருகிற 1-ந்தேதி முதல் தடுப்பூசி போடப்படுகிறது.

கொரோனா தடுப்பூசி பெறும் பயனாளர்கள் ‘கோ-வின்’ இணையதளத்தில் பதிவு செய்துதான் தடுப்பூசி போட்டு வருகின்றனர். இந்த இணையதளத்தில் பராமரிப்பு பணிகள் நடக்கிறது. அதாவது இந்த இணையதளம் ‘கோ-வின் 1.0’-ல் இருந்து ‘கோ-வின் 2.0’ ஆக மேம்படுத்தப்படுகிறது.

எனவே நாடு முழுவதும் இன்றும் (சனிக்கிழமை), நாளையும் (ஞாயிற்றுக்கிழமை) தடுப்பூசி போடும் பணிகள் நடைபெறாது.

இந்த தகவலை மத்திய சுகாதார அமைச்சகம் வெளியிட்டு உள்ளது.

Also read :  இந்தியாவில் இருந்து அனுப்பிய 5 லட்சம் தடுப்பூசிகளை இலங்கை பெற்றது.