சிங்கப்பூர்: உலகின் மிகப்பெரிய மிதக்கும் சூரியசக்தி பண்ணை திறப்பு

சிங்கப்பூரில் உலகிலேயே மிகப்பெரிய மிதக்கும் சூரிய சக்தி பண்ணை திறக்கப்பட்டுள்ளது.

மேற்கு சிங்கப்பூரில் அமைக்கப்பட்டுள்ள இந்த சூரிய சக்தி பண்ணை காண்போரை வியக்க வைக்கிறது. ஒரு லட்சத்து 22 ஆயிரம் சூரிய சக்தி தகடுகளை கொண்டு 45 ஹெக்டேர் பரப்புக்கு பறந்து விரிந்திருக்கிறது இந்த சூரிய சக்தி பண்ணை. 5 நீர் சுத்திகரிப்பு நிலையங்களுக்கு தேவையான மின்சாரம் இதில் தயாரிக்கப்படுகிறது.

இதன் மூலம் ஆண்டுக்கு 32 கிலோ டன் கார்பன் வெளியேற்றத்தை தடுக்கலாம் என இதனை அமைத்தவர்கள் கூறுகின்றனர். கட்டடங்களில் அமைப்பதை விட நீர்நிலைகளில் அமைக்கப்படும் சூரிய சக்தி தகடுகள் சிறப்பாக செயல்படும் என்றும் தெரிவிக்கின்றனர்.

Also read : டென்மார்க்கில் உலகின் மிக உயரமான மணல் கோட்டை - 4,860 டன் மணலால் வடிவமைப்பு!