Zomato: ஒரேநாளில் பெரும் கோடீஸ்வரர் ஆக மாறிய சொமேட்டோ நிறுவனர் தீபிந்தர் கோயல் - சொத்து மதிப்பு எவ்வளவு?

 சொமேட்டோவின் பங்கு மூலதனம் சுமார் ஒரு லட்சம் கோடி அளவுக்கு உயர்ந்திருக்கிறது. மூலதன மதிப்பீட்டின்படி இந்தியாவின் 43வது பெரிய நிறுவனமாக சொமேட்டோ உயர்ந்திருக்கிறது.

சொமேட்டோ நிறுவனத்தின் பங்கு மதிப்பு பங்குச்சந்தையில் நேற்று ஒரே நாளில் உச்சத்தை தொட்டநிலையில் சொமேட்டோ நிறுவனரான தீபிந்தர் கோயலின் சொத்து மதிப்பு ஒரேயடியாக உயர்ந்திருக்கிறது.

இந்தியாவின் முன்னணி உணவு வர்த்தக நிறுவனமாக விளங்கும் சொமேட்டோ (Zomato) இந்திய பங்குச் சந்தையில் IPO எனப்படும் பொதுப்பங்கு வெளியீட்டில் களமிறங்கியுள்ளது. இதன் பங்கு வெளியீடு கடந்த ஜூலை 14ம் தேதி தொடங்கியது. ஒரு பங்கின் விலை 76 ரூபாய் என நிர்ணயிக்கப்பட்டு அதிகபட்ச விலையின் அடிப்படையில் பங்குகள் விற்பனை செய்யப்படுகின்றன.

யாரும் எதிர்பாராத வகையில் சொமேட்டோவின் பொதுப் பங்கு வெளியீடானது எதிர்பார்த்ததை விடவும் நல்ல முறையில் அமைந்தது. 38.25% அளவுக்கு விண்ணப்பங்கள் குவிந்தது. இதனால் சந்தை முதலீட்டாளர்கள் வியப்பில் ஆழ்ந்தனர். சமீப காலங்களில் ஐபிஓ வெளியீட்டில் வெற்றிகரமான நிறுவனமாக சொமேட்டோ மாறியது.

ALSO READ : ஆன்லைன் வகுப்பை குழந்தைகள் விரும்பவில்லையா..? அவர்களை ஊக்குவிக்க இப்படி செய்யுங்கள்