வானில் அதிசிய நிகழ்வு: இன்று ஒரே நேர் கோட்டில் சந்திக்கும் செவ்வாய், வெள்ளி

வானில் பல பல அதிசயங்கள் நிகழ்ந்து கொண்டே இருக்கின்றன. அவற்றில் சிலவற்றை தான் காண முடியும்.

வாஷிங்டன்,

வானில் பல பல அதிசயங்கள் நிகழ்ந்து கொண்டே இருக்கின்றன. அவற்றில் சிலவற்றை தான் காண முடியும். அந்த வகையில் தற்போது செவ்வாய் கோளும் வெள்ளி கோளும் ஒன்றை ஒன்று நெருங்கி கைகுலுக்குவது போலவும் தோன்றும். இந்த அரிய வானியல் நிகழ்வு இன்று வானில் தெரியும். இன்று மேற்கு வானில் இந்த அற்புதக் காட்சி தென்படும் என விஞ்ஞானிகள் தெரிவித்துள்ளனர். இன்று இந்த இரண்டு கோள்களுக்கும் இடையே வானில் வெறும் 0.5 டிகிரி இடைவெளிதான் இருக்கும் என கூறுகின்றனர். ஆனால் பல மில்லியன் தூரம் இடைப்பட்ட இடைவெளி இருக்கும் என்று தெஇவித்துள்ளனர். 

செவ்வாய், வெள்ளி கோள்களுக்கு சுமார் நான்கு டிகிரி தொலைவில் பிறை சந்திரன் தென்படும் என்றும் அன்று மாலை மேற்கு வானில் தென்படும் இந்தக் காட்சி கண்கொள்ளாக் காட்சியாக இருக்கும். இதுபோல் கோள்கள் ஒன்றை ஒன்று நெருங்கும் காட்சியைத் தொலைநோக்கி போன்று எந்தவிதக் கருவியும் இல்லாமல் பொதுமக்கள் வெறும் கண்களால் காண முடியும் என்றும் இதில் எந்தவித ஆபத்தும் இல்லை எனவும் தெரிவித்துள்ளனர்.

மேற்கு அடிவானம் தெளிவாகவும் மேகம் மறைப்பு ஏதும் இல்லாமல் தெரியக்கூடிய ஒரு இடத்தில் இருந்த இந்த நிகழ்வை காணமுடியும். சூரியன் மறைந்த பின்னர் வானத்தைப் பார்த்தால் இரண்டு கோள்களும் அடுத்தடுத்த நாட்களில் ஒன்றை ஒன்று நெருங்குவது தெளிவாக இருக்கும். ஜூலை 13 வரை ஒன்றையொன்று நெருங்கி வரும் கோள்கள் அதன் பின்னர் ஒன்றைவிட்டு ஒன்று விலகிச் செல்வதையும் கண்டு ரசிக்கலாம். இந்த அரிய வானியல் நிகழ்வை நேரடியாகவோ அல்லது தொலைநோக்கி மூலமாகவோ கண்டு ரசிக்கலாம் என தெரிவிக்கப்பட்டுள்ளது.

Also read : பூமியை தாக்குகிறதா சூரிய புயல்? ஜி.பி.எஸ், செல்போன் சேவைகள் பாதிக்க வாய்ப்பு!