சென்னையில் கடற்படை அதிகாரி கடத்தப்பட்டு பணம் கேட்டு தராததால் தீ வைத்து கொளுத்திக் கொன்ற கொடூரம்.

சென்னையில் கடற்படை அதிகாரியை கடத்திச்சென்று மகாராஷ்டிரா காட்டுப்பகுதியில் எரித்துக் கொன்ற சம்பவம் அதிர்ச்சியை ஏற்படுத்தியுள்ளது.

கோவை ஐ.என்.எஸில் பணிபுரிந்த ஜார்க்கண்டைச் சேர்ந்த கடற்படை அதிகாரி மிதிலேஷ் தூபே கடந்த 31ஆம் தேதி தனது சொந்த ஊருக்குச் செல்ல சென்னை விமான நிலையம் வந்துள்ளார்.

இந்நிலையில் அவர் மாயமானதாக பெற்றோர் புகார் அளித்திருந்தனர். விசாரணையில், கடந்த 31 ஆம் தேதி சென்னை விமான நிலையம் அருகே 3 பேர் துப்பாக்கி முனையில் அவரை கடத்தியதும், 10 லட்சம் ரூபாய் கேட்டு மிரட்டு 3 நாட்கள் சென்னையில் அடைத்து வைத்ததும் தெரியவந்தது.

மேலும் பணம் கிடைக்காத ஆத்திரத்தில் மிதிலேஷ் தூபேவை கார் மூலம் மகாராஷ்டிரா - குஜராத் எல்லை காட்டுப்பகுதியான வேவாஜி என்ற கிராமத்தில் கொண்டு சென்று பெட்ரோல் ஊற்றி எரித்து கொன்றதும் கண்டுபிடிக்கப்பட்டது.

Also read :  காரில் இருந்து எச்சில் துப்பினால், குப்பை போட்டால் அபராதம்... எவ்ளோனு தெரிஞ்சா இனி இந்த தப்ப செய்ய மாட்டீங்க!