ஆரோக்கியமான சருமத்திற்கு இதை மட்டும் சாப்பிடுங்கள்.. நிபுணர் டிப்ஸ்!

குடல் ஆரோக்கியம் உங்கள் ஒட்டுமொத்த ஆரோக்கியத்தில் பெரும் தாக்கத்தை ஏற்படுத்துகிறது.

ஒவ்வொருவரும் பண்டிகைக் காலத்தில் தங்களை அழகாகக் காட்ட விரும்புகின்றனர். அதற்காக ஏராளமான சருமம் மற்றும் அழகுப் பொருட்களைப் பயன்படுத்துவார்கள். மேலும், சருமத்தைப் பராமரிப்பது முதன்மையான நடவடிக்கைகளில் ஒன்று. சருமம், நம் உடலின் உள்ளே என்ன நடக்கிறது என்பதன் பிரதிபலிப்புதான். மேலும், வெளிப்புறமாக நீங்கள் சருமத்தின் தரத்தை மேம்படுத்த சில தயாரிப்புகளைப் பயன்படுத்தலாம், இறுதியில் உங்கள் உணவுதான் சரும ஆரோக்கியத்திற்கு வழிவகுக்கும்.

முழு உணவுகள் நிறைந்த சமச்சீர் உணவு, நல்ல தரமான தூக்கம், சரியான தினசரி உடற்பயிற்சி, மன அழுத்த மேலாண்மை மற்றும் நீரேற்றம் ஆகியவை நல்ல தரமான சருமத்திற்கு முக்கியம் என்று பெண்களுக்கான HFA & ஹோலிஸ்டிக் ஹெல்த் கோச் நிறுவனர் பல்லவி மௌலிக் பகிர்ந்துகொண்டார்.

மிருதுவான பளபளப்பான சருமத்தைப் பெற, எப்படியும் எல்லோரும் விரும்புவதைப் பெற, அவர்கள் உணவில் சேர்க்க வேண்டிய சில அழற்சி எதிர்ப்பு மற்றும் ஆக்ஸிஜனேற்ற சத்துக்களை அவர் பட்டியலிட்டுள்ளார்.

*ஒமேகா -3-கள் உங்கள் சருமத்திற்கு நல்லது. ஏனெனில், அவை புற ஊதா கதிர்வீச்சு, புகை மற்றும் மாசுபாட்டின் தீங்கு விளைவிப்பதைக் குறைக்க உதவுகின்றன. அவை சுருக்கங்களைக் குறைத்து வறண்ட சருமத்தையும் மேம்படுத்துகின்றன. கொழுப்பு நிறைந்த மீன், சியா விதைகள், ஆளி விதைகள், அக்ரூட் பருப்புகள் மற்றும் ஆளிவிதை எண்ணெய் ஆகியவை முக்கிய உணவு ஆதாரங்களில் சில.

* புற ஊதா கதிர்வீச்சைக் குறைப்பதில் வைட்டமின் E பயனுள்ளதாக இருக்கும். வேம்பு, நெல்லிக்காய், பாதாம், வெண்ணெய், ஹேசல்நட்ஸ், சூரியகாந்தி விதைகள் அவற்றுள் சில ஆதாரங்கள்.

* பளபளப்பைப் பெற வைட்டமின் A உதவுகிறது. இது சருமத்தின் நோய் எதிர்ப்பு சக்தியையும் ஆதரிக்கிறது. அவை அதிகம் உள்ள சில உணவுகளில், விலங்கு புரதம், சர்க்கரைவள்ளி கிழங்கு, வேகவைத்த கீரை, கேரட் ஆகியவை அடங்கும்.

* தயிர், கிம்ச்சி, சார்க்ராட், கொம்புச்சா, ஊறுகாய் உணவுகள் மற்றும் கேஃபிர் போன்ற புளித்த உணவுகள், உங்கள் குடல் நுண்ணுயிரிகளைப் பாதுகாக்கும். குடல் ஆரோக்கியம் உங்கள் ஒட்டுமொத்த ஆரோக்கியத்தில் பெரும் தாக்கத்தை ஏற்படுத்துகிறது.

* பாரம்பரிய இந்திய உணவு மஞ்சள் இல்லாமல் முழுமையடையாது. இது வட அமெரிக்காவில் சப்ளிமெண்ட்ஸ் வடிவில் பெரிதும் ஏற்றுக்கொள்ளப்படுகிறது. மஞ்சளில் உள்ள ஊட்டச்சத்துக்களை நன்றாக உறிஞ்சுவதற்கு, அதை உங்கள் உணவுகளில் கருப்பு மிளகு அல்லது / மற்றும் ஆரோக்கியமான கொழுப்புகளுடன் சேர்த்து சாப்பிடலாம்.

தவிர்க்க வேண்டிய உணவுகள்

“ஆல்கஹால், வறுத்த உணவுகள், சுத்திகரிக்கப்பட்ட சர்க்கரை, க்ராஷ் டயட்டிங், நீரிழப்பு, புகைபிடித்தல், ஒழுங்கற்ற தூக்க முறைகள் மற்றும் எப்போதும் அனுதாப நிலையில் இருப்பது (மன அழுத்தம் மற்றும் கவலை) போன்ற வாழ்க்கை முறை பழக்கங்கள் தவிர்க்கப்பட வேண்டும். இவை உங்கள் உடலில் உள்ள மற்ற அனைத்து அமைப்புகளின் மெதுவான சீரழிவுக்கு வழிவகுக்கும்.

மேலே உள்ள உணவுகளைக் குறைப்பது உங்கள் உடலை ஆரோக்கியமாக வைத்திருப்பது மட்டுமல்லாமல், உங்கள் சருமத்தை குணப்படுத்தும் செயல்முறையையும் தொடங்கும்” என்று மௌலிக் முடிக்கிறார்.

Also read : இதய பராமரிப்பு… வாரத்திற்கு 4 நாள் முந்திரி சாப்பிட்டால் இவ்ளோ நன்மை!