ராட்சத ராட்டினத்தின் உச்சியில் தேநீர் அருந்திய துபாய் இளவரசர்! பார்வையாளர்களை வியக்க வைத்த காட்சி

 துபாய் இளவரசர் ஷேக் ஹமாத் ராட்சத ராட்டினத்தில் உச்சியில் இருந்து தேநீர் அருந்தும் வீடியோ காட்சியானது இணையத்தளங்களில் வைரலாகி வருகிறது.

துபாய் நாட்டில் பல்வேறு சுற்றுலா தளங்கள் அமைக்கப்பட்டுள்ளன. அதில், திறக்கப்பட்டுள்ள சூப்பரான சுற்றுலா தளமான ஐன் துபாய் சுற்றுலா தளம் நல்ல வரவேற்பை பெற்றுள்ளது.

ஐன் துபாய் உலகிலேயே மிக உயரமான ராட்சத ராட்டினமான இது, நிலப்பரப்பில் இருந்து சுமார் 870 அடியில் இருந்தும், 250 மீட்டர் உயர வரை கட்டப்பட்டுள்ளது. இந்த ராட்டினத்தில் இருந்தே துபாயை கண்டு களிக்க முடியுமாம்.

இந்த ராட்சத ராட்டினத்தில் மட்டும் 48 கேபின்கள் அமைக்கப்பட்டுள்ளன. இந்த இடம் ப்ளு வாட்டர் தீவில் அமைக்கப்பட்டுள்ளது. ராட்டினத்தில் செல்ல ஆசைப்படும் மக்கள் 1 மணிநேரத்திற்கு முன்பாகவே இங்கு வந்துவிட வேண்டுமாம்.

மேலும், இந்த இடத்தை ஒரு முறை சுற்றி பார்க்க 38 நிமிடம் ஆகுமாம். இந்நிலையில், இந்த ராட்சத ராட்டினத்தில் பயணம் செய்த துபாய் இளவரசர் ஷேக் ஹமாத் ராட்டினம் உச்சத்தில் இருந்து தேநீர் அருந்துவதுபோல் ஒரு வீடியோவை வெளியிட்டு இருக்கிறார். இந்த வீடியோ தற்போது வைரலாக பரவி வருகிறது.

ALSO READ : 14 நிமிடங்களில் 25 நண்டுகளை சாப்பிட்ட நபர்: பரபரப்பான போட்டி