ரேஷன் கார்டு வாங்கணுமா? இதெல்லாம் கண்டிப்பா வேணும்!!

புதிதாக ரேஷன் கார்டு வாங்குவதற்கு என்ன செய்ய வேண்டும் என்று இங்கே தெரிந்துகொள்ளலாம்.

இந்தியக் குடிமக்களுக்கு ரேஷன் கார்டு மிக முக்கியமான ஆவணமாக உள்ளது. இதன் மூலமாக உணவுப் பொருட்களை வாங்க முடியும் என்பதோடு, ரேஷன் கார்டு வைத்திருப்பவரின் குடும்பத்தைப் பற்றிய முழுமையான தகவல்களைத் தருகிறது. ரேஷன் கார்டு கையில் இருந்தால் மலிவு விலையிலும், இலவசமாகவும் அரசிடமிருந்து உணவுப் பொருட்களை வாங்கலாம். கொரோனா போன்ற நெருக்கடியான சமயங்களில் அரசு தரப்பிலிருந்து ரேஷன் கார்டுகள் மூலமாகப் பல்வேறு உதவிகள் வழங்கப்பட்டன. எனவே இது மிக முக்கியமான ஒன்றாகும்.

புதிதாக ரேஷன் கார்டு வாங்குவது என்பது சற்று கடினமான ஒன்றுதான். அதற்கு நீண்ட காலமும் எடுக்கிறது. ரேஷன் கார்டுக்கு விண்ணப்பிப்பதற்கு முன்னர் நீங்கள் தெரிந்துகொள்ள வேண்டிய முக்கியமான விஷயங்கள் இதோ...

ரேஷன் கார்டு வாங்கும் நபர் எந்த மாநிலமோ அந்த மாநிலத்தின் அதிகாரப்பூர்வ வலைப்பக்கத்தில் ரேஷன் கார்டுக்கு விண்ணப்பிக்க வேண்டும். தமிழகத்தில் ரேஷன் கார்டுக்கு விண்ணப்பிக்க https://tnpds.gov.in/ என்ற வலைப்பக்கத்தைப் பார்வையிட வேண்டும்.

ரேஷன் கார்டுகளில் இரண்டு வகைகள் உள்ளன. வறுமைக் கோட்டுக்குக் கீழே வாழும் மக்களுக்காக ஒரு தனி ரேஷன் கார்டு வழங்கப்படுகிறது. வறுமைக் கோட்டுக்கு மேல் வசிப்பவர்களுக்குத் தனியாக ஒரு ரேஷன் கார்டு. எனவே இதில் ஏதேனும் ஒரு பிரிவில் மட்டுமே ரேஷன் கார்டுக்கு விண்ணப்பிக்க முடியும்.

விண்ணப்பிக்கும் போது கேட்கப்படும் தகவல்களைக் மிகவும் கவனமுடன் சரியாகப் பூர்த்தி செய்ய வேண்டும். ரேஷன் கார்டு ஒரு முக்கியமான ஆவணம் என்பதால் அதை நிரப்பும்போது மிகவும் எச்சரிக்கையாக இருக்க வேண்டும். இந்தியாவில் வாழும் ஒவ்வொரு நபருக்கும் ரேஷன் கார்டு கிடைக்கும். ஆனால் அவர் இந்தியக் குடிமகனாக இருக்க வேண்டும்.

ரேஷன் கார்டுக்கு விண்ணப்பிக்க ஓட்டுநர் உரிமம், ஆதார் அட்டை, பணியாளர் அடையாள அட்டை, வாக்காளர் அடையாள அட்டை ஆகிய ஆவணங்கள் தேவைப்படும்.

Also read : இன்னும் 8 முதல் 10 ஆண்டுகளுக்கு பெட்ரோல், டீசலை ஜி.எஸ்.டி. வரம்புக்குள் கொண்டுவர முடியாது - சுஷில்குமார் மோடி