இன்ஸ்டாகிராமில் ஜோதிகா என்ட்ரி: முதல் போஸ்ட்டே அட்டகாசம்!

 இன்ஸ்டாகிராம் வந்துள்ள நடிகை ஜோதிகாவை ரசிகர்கள் பலரும் உச்சாகமாக வரவேற்று உள்ளனர்.

தமிழ் சினிமாவில் முன்னணி நடிகர்கள் அனைவருடனும் ஜோடி சேர்ந்து பிரபலமான கதாநாயகியாக இருப்பவர் நடிகை ஜோதிகா. கடந்த 2006 ஆம் ஆண்டு இவர் நடிகர் சூர்யாவை காதல் திருமணம் செய்து கொண்டார்.  திருமணம் செய்து கொண்டப்பின் சில வருடங்கள் கழித்து ’36 வயதினிலே’ என்ற படத்தின் மூலம் ரீ என்ட்ரி கொடுத்த ஜோதிகா தொடர்ந்து பல படங்களில் நடித்து வருகிறார்.

அண்மையில் நடிகை ஜோதிகாவின் (Jyothika) நடிப்பில் உடன்பிறப்பே படம் வெளியாக உள்ளது. இந்நிலையில் தற்போது நடிகர் ஜோதிகா சமூக வலைத்தள (Social Media) பக்கங்களிலும் தலை காட்டாமல் இருந்த நிலையில் முதன்முறையாக இன்ஸ்டாகிராமில் (Instagram) இணைந்துள்ளார். தன்னுடைய முதல் பதிவில் முதன்முறையாக சோசியல் மீடியாவில் இணைந்துள்ளதாக தெரிவித்துள்ள ஜோதிகா, தன்னுடைய ஊரடங்கு காலத்தில் நிகழ்ந்த நிறைய நல்ல விஷயங்களை பகிர உள்ளதாக தெரிவித்துள்ளார்.

மேலும் இன்ஸ்டாகிராமில் இணைந்துள்ள ஜோதிகாவை அவரது கணவரும் நடிகருமான சூர்யா வரவேற்றுள்ளார். அவர் தன்னுடைய கமெண்டில் என் மனைவி வலிமையானவள். முதன்முறையாக உன்னை இன்ஸ்டாவில் பார்ப்பது த்ரில்லாக இருப்பதாக தெரிவித்துள்ளார். மேலும் ரசிகர்கள் பலரும் இன்ஸ்டாகிராம் வந்துள்ள ஜோதிகாவை வாழ்த்தி தெரிவித்து வருன்றனர்.

முதல் பதிவாக அவர் இமயமலையில் தேசியக் கொடியை ஏந்திய புகைப்படம் ஒன்றை பதிவு செய்துள்ளார். ஆகஸ்ட் 15-ம் தேதி சுதந்திர தினத்தில் காஷ்மீரில் எடுக்கப்பட்ட இந்த புகைப்படம் மிகவும் அபூர்வமானது என்றும் தனது நண்பர்களுடன் இணைந்து எடுத்த இந்தப் புகைப்படம் தனக்கு மறக்க முடியாத அனுபவம் என்றும் அவர் தெரிவித்துள்ளார். இந்த புகைப்படங்கள் தற்போது வைரலாகி வருகின்றன. 

இதற்கிடையில் நடிகை ஜோதிகா இன்ஸ்டாகிராம் கணக்கை தொடங்கிய முதல் நாளிலேயே அவருக்கு ஒரு மில்லியனுக்கும் அதிகமான ஃபாலோயர்கள் ஃபாலோ செய்து வருகின்றனர். 

also read : அவனி லெகரா: இந்திய பாராலிம்பிக் வரலாற்றில் முதல் தங்கம் வென்ற பெண் - 8 முக்கிய தகவல்கள்