அழகைக் கூட்ட பின்பக்க அறுவைச் சிகிச்சை: உட்கார முடியாமல் அவதிப்படும் 24 வயது மாடல்

அமெரிக்க மாடல் அழகைக் கூட்ட செய்துகொண்ட அறுவை சிகிச்சையால் உட்கார முடியாத நிலை ஏற்பட்டுள்ளது.

தற்போதைய நவீன மருத்துவ உலகில் எதுவும் சாத்தியம் என்ற நிலை உள்ளது. இருப்பினும், இந்த அளவுக்கு மருத்துவ உலகம் வளர்ந்துவிட்டபோது தவறான சிகிச்சை நடைபெறுவது என்பதும் அதிக அளவில் இருந்துவருகிறது. ஆண்டுக்கு ஆயிரக்கணக்கானோருக்கு தவறான சிகிச்சையளிக்கப்பட்டு நோயாளி பாதிக்கப்படும் சூழல் ஏற்படுகிறது.

அந்த வகையில் அமெரிக்காவின் புளோரிடா மாகாணத்தைச் சேர்ந்த 24 வயது மாடல் காசுமி ஸ்குரிட்ஸ்(புனைப் பெயர்), தன்னை உடல் பருமானக இருப்பதாக கருதியுள்ளார். அதனால், அவர் டயட் மூலம் உடலைக் குறைப்பதற்கு முயற்சிகளை மேற்கொண்டுள்ளார். ஆனால், அதனால் அவருக்கு பலன் கிடைக்கவில்லை. அவரது உடல் பருமன் குறையவில்லை. அதனால், அறுவைச் சிகிச்சை மூலம் மார்பு பகுதி மற்றும் பின்பகுதியை குறைப்பதற்கான சிகிச்சையை மேற்கொண்டுள்ளார்.

அதற்காக 14 லட்ச ரூபாய் வரை செலவு செய்துள்ளார். ஆனால், அறுவைச் சிகிச்சை அவர் நினைத்தபடி வெற்றிகரமாக நிறைவடையவில்லை. அறுவைச் சிகிச்சைக்கு பிறகு அவரது உடல் அவர் விரும்பிய அழகைப் பெற்றாலும் அவரால் முன்பைப் போல இயல்பாக உட்கார முடியவில்லை. இதுகுறித்து தெரிவிக்கும் அவர், ‘நான் எந்த வேலைகளைச் செய்தாலும் நின்றுகொண்டே செய்கிறேன். நான் எல்லா இடங்களுக்கும் தலையனையுடனேயே செல்கிறேன். இருந்தாலும் அவர் தன்னுடைய புதிய உருவத்தை மாற்றிக் கொள்ளவிரும்பவில்லை.

இந்த உருவத்தின் மூலம் நிறைய பணம் சம்பாதிக்க முடிவதாக கூறுகிறார். இந்த அறுவைச் சிகிச்சைக்குப் பிறகு 25,000 அமெரிக்க டாலர் பணம் சம்பாதித்த நான் தற்போது 2,00,000 அமெரிக்க டாலர் பணம் சம்பாதிக்க முடிகிறது’ என்று தெரிவித்துள்ளார்.

Also read : உடல் எடை குறைப்பு: கட்டுக்கதைகளும்... உண்மைகளும்...