மழைக்கு இதமான சிக்கன் சூப் குடிக்கலாம் வாங்க...

 சூப் உடல் ஆரோக்கியத்திற்கு மிகவும் நல்லது. இன்று சிக்கன் சூப் செய்முறையை பார்க்கலாம்.

தேவையான பொருட்கள்: 

சிக்கன் - 300 கிராம் 

மஞ்சள் தூள் - 1 சிட்டிகை

 தண்ணீர் - 2 கப் 

அரைப்பதற்கு...

 சின்ன வெங்காயம் - 10 

கொத்தமல்லி - 1/4 கப் 

சீரகம் - 1 டீஸ்பூன் 

மிளகு - 1/2 டீஸ்பூன் 

தாளிப்பதற்கு...

 எண்ணெய் - 1 1/2 டீஸ்பூன் 

ஏலக்காய் - 1

 சீரகம் - 1/2 டீஸ்பூன்

 கறிவேறிப்பிலை - சிறிது 

பெரிய வெங்காயம் - 1

 சின்ன வெங்காயம் -1

செய்முறை:

 * முதலில் சிக்கனை சிறிது மஞ்சள் தூள் சேர்த்து நன்கு கழுவிக் கொள்ள வேண்டும்.

 * பின் அரைப்பதற்கு கொடுத்துள்ள சின்ன வெங்காயம், கொத்தமல்லி, மிளகு, சீரகத்தைப் போட்டு நன்கு மென்மையாக அரைத்துக் கொள்ள வேண்டும். 

* ஒரு குக்கரை அடுப்பில் வைத்து, அதில் எண்ணெய் ஊற்றி சூடானதும், ஏலக்காய், சீரகம் சேர்த்து தாளிக்க வேண்டும்.

* பிறகு வெங்காயம், கறிவேப்பிலை சேர்த்து லேசான பொன்னிறமாகும் வரை வதக்க வேண்டும். 

* அடுத்து அதில் கழுவி வைத்துள்ள சிக்கன் துண்டுகள் மற்றும் மஞ்சள் தூள் சேர்த்து 2 நிமிடம் நன்கு வதக்க வேண்டும்.

* பின் அரைத்து வைத்துள்ள விழுதை சேர்த்து பச்சை வாசனை போகும் வரை குறைந்தது 3-5 நிமிடம் வதக்க வேண்டும். 

* பின்பு தேவையான அளவு நீர், சுவைக்கேற்ப உப்பு சேர்த்து குக்கரை மூடி 5 விசில் விட்டு இறக்கினால், சுவையான சிக்கன் சூப் தயார்.

ALSO READ : நீங்களும் பூ போன்ற இட்லி செய்யலாம்! இந்த ஒரு பொருள மறக்காம சேர்த்திடுங்க....