சத்தான ஸ்நாக்ஸ் கேழ்வரகு தட்டை ....

 கேழ்வரகில் பல்வேறு ரெசிபிகளை செய்யலாம். இன்று தட்டை செய்வது எப்படி என்று பார்க்கலாம்.

தேவையான பொருட்கள் : 

கேழ்வரகு - அரை கிலோ, 

வறுத்த உளுந்து - 50 கிராம், 

கடலைப் பருப்பு - 50 கிராம்,

உப்பு, மிளகாய்த் தூள், எண்ணெய் - தேவையான அளவு.

செய்முறை:

 * கேழ்வரகை அரைத்து மாவாக்கிக்கொள்ளவும். 

* இந்த மாவுடன் வறுத்த உளுந்து சேர்த்து, நன்றாக அரைக்கவும். 

* அரைத்த மாவை ஒரு பாத்திரத்தில் போட்டு அதனுடன் உப்பு, மிளகாய்த் தூள், கடலைப் பருப்பைச் சேர்த்து, நன்றாகக் கெட்டியாகப் பிசைந்துகொள்ளவும். 

* மாவை சிறிது எடுத்து சிறிய அளவில் உருண்டையாக உருட்டி, வாழை இலையில் போட்டு, மெல்லியதாகத் தட்டிக்கொள்ளவும். 

* கடாயில் எண்ணெய் ஊற்றி சூடானதும் அடுப்பை மிதமான தீயில் வைத்து தட்டி வைத்துள்ள தட்டைகளை ஒவ்வொன்றாகப் போட்டு, பொரித்து எடுக்கவும். 

* சூப்பரான ஸ்நாக்ஸ் கேழ்வரகுத் தட்டுவடை ரெடி.

 * இதை காற்று போகாத டப்பாவில் போட்டு வைத்து 1 வாரம் வரை பயன்படுத்தலாம்.

ALSO READ : கொண்டைக்கடலை முட்டை பொரியல்.....