நோய்தொற்றுகளில் இருந்து காக்கும் மீன் சூப்.

பருவநிலை மாற்றங்களுக்கு ஏதுவாக நாவிற்கு இதமளித்து நோய்தொற்றுகளில் இருந்து காக்கும் சூப் வகைகளில் மீன் சூப்பும் ஒன்று. இன்று இந்த சூப் செய்முறையை பார்க்கலாம்.

                             மீன் சூப்

தேவையான பொருட்கள் :

முள் நீக்கிய மீன் - 4 துண்டு

இஞ்சி - 1 துண்டு

பூண்டு - 5 பல்

சாம்பார் வெங்காயம் - 6 (நறுக்கவும்)

பட்டை - சிறிதளவு

எண்ணெய் - தேவைக்கு

ஏலக்காய் - 3

வெங்காயத்தாள், பிரியாணி இலை - சிறிதளவு

உப்பு, தண்ணீர் - தேவையான அளவு

செய்முறை:

சின்ன வெங்காயம், பூண்டு, இஞ்சியை பொடியாக நறுக்கி கொள்ளவும்.

வாணலியில் எண்ணெய் ஊற்றி அது சூடானதும் வெங்காயம், பூண்டு, இஞ்சி ஆகிய மூன்றையும் சேர்த்து பொன்னிறமாக வதக்கவும்.

பின்னர் போதுமான அளவு தண்ணீர் ஊற்றி ஏலக்காய், பட்டை ஆகியவற்றை போட்டு கொதிக்கவிடவும்.

கொதிக்க தொடங்கியதும் மீன் துண்டுகள், உப்பு, மிளகு தூள் சேர்க்கவும்.

மீன் துண்டுகள் நன்கு வெந்ததும் பிரியாணி இலை, வெங்காயத்தாள் சேர்த்து இறக்கவும்.

சுவையான மீன் சூப் தயார்.

Also read :   15 நிமிடத்தில் சுவையான அதிரடி சாம்பார் ரெடி!