பல்வேறு மாநிலங்களில் இருந்து டிராக்டர்களுடன் தலைநகரை நோக்கித் திரண்டுள்ள லட்சக்கணக்கான விவசாயிகள்.

 

டெல்லியில் இன்று நடைபெற உள்ள டிராக்டர் பேரணியில், இரண்டு லட்சத்துக்கும் மேற்பட்ட விவசாயிகள் தங்கள் டிராக்டர்களுடன் பங்கேற்க உள்ளனர். அதில் பெண்களும் பங்கேற்று டிராக்டர்களை ஓட்டுவர் எனறு விவசாய சங்கங்கள் அறிவித்துள்ளன.

குடியரசு தின விழா முடிந்த பிறகே, பேரணி துவங்கவும் திக்ரி, சிங்கூர், மற்றும் காசிபாத் ஆகிய மூன்று பாதைகள் வழியாக சுமார் 100 கிலோமீட்டர் தூரத்திற்கு பத்து கிலோ மீட்டர் வேகத்தில் டிராக்டர்கள் அணிவகுக்க டெல்லி போலீசார் அனுமதித்துள்ளனர்.

அமைதியான முறையில் பேரணி நடைபெறும் என்று விவசாயிகள் உறுதியளித்துள்ளனர். நாட்டின் பல்வேறு மாநிலங்களில் இருந்து, ஏராளமான விவசாயிகள் டெல்லி எல்லையில் டிராக்டர்களுடன் குவிந்துள்ளனர்.

தங்கள் கோரிக்கை ஏற்கப்படாவிட்டால், வரும், பிப்.முதல் நாளில் பட்ஜெட் தாக்கலின்போது, பார்லிமென்ட் நோக்கி பேரணி நடத்துவோம் என்றும் விவசாயிகள் அறிவித்துள்ளனர்.

இதனிடையே 5 ஆயிரம் டிராக்டர்களை மட்டும் அனுமதிக்கப் போவதாக காவல்துறையினர் தெரிவித்தனர்.

விவசாயிகளை தடுப்பதற்காக போலீசார் ஆங்காங்கே சாலைகளின் குறுக்கே டிரக் லாரிகளை நிறுத்தியும் பாரிகேட் தடுப்புகளை அமைத்தும் வருகின்றனர். டெல்லி எல்லையில் பல்லாயிரக்கணக்கான போலீசார் குவிக்கப்பட்டுள்ளனர்.

Also read :  மீண்டும் எல்லையில் அத்து மீறிய சீனா.... சீன வீரர்களை விரட்டியடித்தது இந்திய ராணுவம்!