அதிகமாகப் பரவுவதால் ஆபத்தானதாகத் திரிபடையும் கொரோனா வைரஸ்... நமக்கிருக்கும் ஒரே ஆயுதம் தடுப்பூசி மட்டுமே!

 

உலகையே அச்சுறுத்தி வரும் கொரோனா வைரஸ் மரபியல் ரீதியாகத் திரிபடைந்து அதிவேகமாகப் பரவி வருகிறது. வைரஸ்கள் தன்னைத் தானே நகல் எடுத்து பல்கிப் பெருகும் போது அதன் மரபியல் கூறுகளில் ஏதாவது மாற்றம் நடந்துகொண்டே இருக்கும். கொரோனா வைரஸ் தொற்று அதிகமாகப் பரவும்போது, கொரோனா வைரஸின் பிறழ்வுகளுக்கான வாய்ப்புகளும் அதிகரிக்கும். காலப்போக்கில் இந்த பிறழ்வு அபாயகரமானதாக மாறிவிடும்.

இந்த நிலையில், கொரோனா வைரசின் ஆபத்தான திரிபைத் தடுக்க தடுப்பூசி ஒன்றே தீர்வு என்று சுகாதார நிபுணர்கள் தெரிவித்துள்ளனர்.

கடந்த ஜனவரி 8 - ம் தேதி கனடாவின் ஒண்டாரியோவில் உள்ள முதியோர் இல்லத்தில் ஊழியர் ஒருவருக்குக் கொரோனா நோய்த் தொற்று உறுதி செய்யப்பட்டது. அடுத்த இரண்டு வாரங்களில் முதியோர் இல்லத்தில் இருந்த 127 பேரை கொரோனா தாக்கியதில் 32 பேர் பரிதாபமாக இறந்தனர். 

கொரோனா வைரஸின் மாதிரியை சோதனை செய்தபோது, இங்கிலாந்திலிருந்து பரவிய உருமாறிய கொரோனா வைரஸ் என்பது கண்டுபிடிக்கப்பட்டது.

Also read :  கொரோனா வைரஸ் உருமாற்றம் அடைவதை தடுக்க தடுப்பூசி போட வேண்டும் - மருத்துவ நிபுணர்கள்.