கொரோனா வைரஸ் உருமாற்றம் அடைவதை தடுக்க தடுப்பூசி போட வேண்டும் - மருத்துவ நிபுணர்கள்.

கொரோனா வைரஸ் அடுத்தடுத்த உருமாற்றத்தின் போது கடும் விளைவுகளை உருவாக்கும் தன்மையை பெறும் என்பதால் தடுப்பூசி போட்டுக் கொள்வதே தொற்று பரவலை தடுக்க உரிய வழிமுறை என்று மருத்துவ நிபுணர்கள் எச்சரித்து உள்ளனர்.

அமெரிக்காவின் பேர்ன் பல்கலை கழக தொற்றுநோய் இயல் பிரிவு பேராசிரியர் எம்மா ஹோட்கிராப்ட், ஒரு சில மணி நேரங்களிலேயே பெருகும் தன்மை கொண்ட வைரஸ்கள், ஒவ்வொரு முறையும் தன்னை ஒத்த, மற்றொரு வைரசை உருவாக்குவதில்லை என்று கூறியுள்ளார்.

சில நேரங்களில் வைரஸ்கள் பெருகும் போது,அதில் உருமாற்றம் நிகழும் என்றும், இந்த உருமாற்றம் அவற்றின் வீரியத்தை அதிகரிக்க செய்யும் என்றும் அவர் கூறியுள்ளார்.

இதனால் நோய் தொற்று பரவலை தடுக்க தடுப்பூசி போடுவதே ஒரே தீர்வு என்றும், தடுப்பூசி போடுவதால், தொற்று பரவல் தடுக்கப்பட்டு, வைரஸ்கள் பெருகுவதும், அவற்றின் உருமாற்றம் அடைவதும் தடுக்கப்படும் என்றும் ஆய்வாளர்கள் கூறியுள்ளனர். 

Also read :   வூகானில் கொரோனா எப்படி உருவானது என்ற ஆராய்ச்சியை தொடங்கியது உலக சுகாதார அமைப்பு.