வரலாற்றில் முதன்முறையாக கிரீன்லந்து பனிக்கட்டியின் உச்சியில் மழை

கிரீன்லந்து பனிக்கட்டியின் உச்சியில், வரலாற்றில் முதன்முறையாக விஞ்ஞானிகள் மழைப்பொழிவைக் கண்டுள்ளனர்.

உலகின் அதிகரிக்கும் வெப்பநிலையால் அங்குள்ள பனிக்கட்டி வேகமாக உருகி வருவதற்கான மற்றோர் அறிகுறி அது.

கடந்த வாரம், 3.2 கிலோமீட்டர் உயரத்தில் உள்ள பனிக்கட்டியின் சிகரத்தில், பல மணி நேரம் மழை பெய்தது.

9 மணி நேரத்துக்கு, வெப்பநிலை உறைநிலைக்கு மேல் இருந்தது.

பனிக்கட்டியின் மேற்பரப்பில் உள்ள நீர், சூரிய ஒளியைப் பிரதிபலிப்பதற்கு மாறாகச் சூரிய ஒளிபட்டு உருகுவதாய் ஆய்வாளர்கள் கூறினர்.

கடந்த 20,30 ஆண்டுகளாக உலகக் கடல் மட்டம் படிப்படியாக உயர்ந்து வருகிறது.

அதில் 25 விழுக்காட்டு உயர்வுக்கு, கிரீன்லந்தின் பனிக்கட்டியில் இருந்து உருகும் நீரே காரணம் என்று கூறப்பட்டது.

உலக வெப்பநிலை அதிகரித்து வரும் வேளையில், அந்த விகிதம் அதிகரிக்கும் என்று எதிர்பார்க்கப்படுகிறது.

Also read : பால்வெளி விண்மீன் மண்டலத்தில் அடையாளம் தெரியாத புதிய புதிர் கண்டுபிடிப்பு.. விஞ்ஞானிகள் குழப்பம்..