உயிரை துச்சமாக எண்ணிய ஆட்டோ டிரைவர்... பைக் ஓட்டி வந்தவரை இடித்து கீழே தள்ளி விட்டு தப்பி ஓட்டம் (வீடியோ)

 

இரு சக்கரவாகனத்தில் சென்று கொண்டிருந்தவரை ஆட்டோ ஓட்டுநர் ஒருவர் வேண்டுமென்றே ஆட்டோவை வைத்து இடித்து கீழே தள்ளிய வீடியோக்கள் இணையத்தில் வைரலாகி வருகின்றது.

மும்பையில் ஒரு வாரத்திற்கு முன்பு நடந்த சம்பவம் தற்போது இணையத்தில் வைரலாகி வருகின்றது. மும்பையை சேர்ந்தவர் கிஷோர் கர்தாக். இவர் மும்பையின் புறநகர் கோவண்டி பகுதியில் ஒரு பரபரப்பான சாலையில் தனது பைக்கில் சென்று கொண்டிருக்கையில் குறுகலான பகுதியில் ஆட்டோ ஒன்று கிஷோர் கர்தாக்கை முந்திச் செல்ல முயன்றுள்ளது.

ALSO READ: ஜப்பான் ஏன் மரத்தில் Satellite உருவாக்குகிறது தெரியுமா?

இதில் இருவருக்கும் வாக்குவாதம் ஏற்பட்டுள்ளது. இதில் சல்மான் சயீத் (வயது 34) எனும் ஆட்டோ டிரைவர் கிஷோர் கர்தாக்கிடம் சண்டையிட்டுள்ளார். பின்னர் கிஷோர் கர்தாக் தனது பைக்கை எடுத்துக்கொண்டு புறப்பட்டு விட்டார். ஆட்டோவும் பைக்கும் ஒரே சாலையில் சென்று கொண்டிருக்க ஆட்டோ டிரைவர் கிஷோர் கர்தாக் மீது இருந்த ஆத்திரத்தில் தனது ஆட்டோவை வைத்து வேகமாக மோதிவிட்டு தப்பிச் சென்று விட்டார்.

நிலை தடுமாறி கீழே விழுந்த கிஷோர் கர்தாக் லேசான காயத்துடன் உயிர்தப்பியுள்ளார். பின்னர் இது குறித்து காவல் நிலையத்தில் புகார் அளித்துள்ளார். இந்த சம்பவத்தை அறிந்த காவல்துறையினர் ஆட்டோ எண்ணை கண்டுபிடித்து குற்றம் சாட்டப்பட்டவரை கைது செய்தனர்.

VIDEO LINK:

Incident at CMLR a week ago. Bikers life is at risk around Shivaji Nagar -Deonar-Bainganwadi area. Strict action needs to be taken to these idiot auto drivers.

பின்னர் ஆட்டோ டிரைவர் சல்மான் சயீத் குற்றம் சாட்டப்பட்ட ஐபிசியின் 307 (கொலை முயற்சி) மற்றும் 279 (அலட்சியம் வாகனம் ஓட்டுதல்) பிரிவுகளின் கீழ் கைது செய்யப்பட்டுள்ளார். இந்த சம்பவத்தின் வீடியோ இணையத்தில் வைரலாகி வருகின்றது. இந்த பகுதியில் இருசக்கர வாகனத்தில் பயணிக்க அச்சமாக உள்ளதாகவும், இது போன்ற ஆட்டோ டிரைவர்களுக்கு கடுமையான நடவடிக்கை வேண்டும் எனவும் ஒருவர் பதிவிட்டுள்ளார்.

ALSO READ: வாகனங்களில் பாஸ்டேக் பொருத்துவதற்கான கால அவகாசம் நீட்டிப்பு