காலையில் உடலுக்கு சத்தான பிரெட் சப்பாத்தி - செய்வது எப்படி?

 சாப்பாத்தி என்றால் பலருக்கும் பிடிக்கும். உடல் எடையை கட்டுக்குள் வைக்கவும், பல நோய்களுக்கு மருந்தாகவும் பயன்படுகிறது.

அந்த வகையில் பல வகையான சப்பாத்திகளை சாப்பிட்டு இருப்போம். இதில் பிரெட் சப்பாத்தி எப்படி செய்யலாம் என்பதை பற்றி இங்கே பார்ப்போம். 

தேவையான பொருட்கள் 

பிரெட் துண்டுகள் - 10,

மைதா மாவு - 100 கிராம்,

வெண்ணெய் - 2 டீஸ்பூன்,

பால் - 100 மில்லி,

சர்க்கரை - ஒரு டீஸ்பூன்,

நெய் - 4 டீஸ்பூன். 

செய்முறை விளக்கம்

முதலில் பிரெட் துண்டுகளை மிக்ஸியில் பொடித்துக் கொள்ளவும்.

அடுத்து மைதா மாவுடன் வெண்ணெய், பால், சர்க்கரை, பொடித்த பிரெட் சேர்த்துப் பிசைந்து, 30 நிமிடம் மூடி வைக்கவும்.

இந்த மாவை சப்பாத்திகளாக தேய்த்து வைக்கவும். பின்னர் தோசை கல்லை அடுப்பில் வைத்து சூடானதும் தேய்த்து வைத்த சப்பாத்தியை போட்டு இரு-புறமும் லேசாக நெய் தடவி சுட்டு எடுக்கவும்.

தொடர்ந்து இந்த சப்பாத்தியை அப்படியே சாப்பிடலாம். இத்தோடு பிரெட், சர்க்கரை பால் சேர்ப்பதால் சுவை இன்னும் கூடுதலாக இருக்கும்.

ALSO READ : வாழைத்தண்டு சாப்பிடுவதால் நடக்கும் அற்புதங்கள்......