நோய் எதிர்ப்பு சக்தி தரும் கிராம்புக் குடிநீர்........

Image
 தேவையில்லாத கழிவுகளை வெளியேற்றி உடலை கேடயமாக பாதுகாக்கிறது. இது சிறந்த ஆன்டி ஆக்ஸிடென்ட்டாக செயல்படுகிறது. நோய் எதிர்ப்பு சக்திக்கும், உடல் உள் உறுப்புகளில் ஆக்சிஜன் சீராக கிடைக்கவும் 'கிராம்புக் குடிநீர்' உதவும்.  இதை தயாரிக்கும் முறை:  கிராம்பு - 2,  ஏலம் - 2,  சுருள் இலவங்கப்பட்டை - 1,  அதிமதுரம் சிறுதுண்டு,  சுக்கு சிறுதுண்டு,  மிளகு - 10,  மஞ்சள் சிறிதளவு  இவைகளை வறுத்துப் பொடி செய்து வைத்துக்கொள்ள வேண்டும்.  இந்த பொடியில் ஒரு டீ ஸ்பூன் எடுத்து, ஒரு டம்ளர் தண்ணீரில் காய்ச்சி அதில் எலுமிச்சை பழம் பாதிப் பிழிந்து, புதினா இலை 2, தேன் கலந்து குடித்து வந்தால் உடலுக்கு சுறுசுறுப்பும் உற்சாகமும் கிடைக்கும்.  இதனால் ரத்த ஓட்டம் அதிகரிக்கும், உடல் உள்ளுறுப்புகளுக்கு தேவையான ஆக்சிஜன் நன்றாக கிடைக்கும்.  இது சிறந்த ஆன்டி ஆக்ஸிடென்ட் ஆக செயல்படுவதால் தேவையில்லாத கழிவுகளை வெளியேற்றி உடலை கேடயமாக பாதுகாக்கிறது. ALSO READ :  மதுரை மட்டன் குடல் குழம்பு.. இதோ ரெசிபி...!

எதிர்ப்பு சக்தி அதிகரிக்கணும்.. நோய் வராம தடுக்கணுமா.. இந்த நெல்லி ஜூஸ் போதும்.. இப்படிதான் தயாரிக்கணும்!

 நெல்லிக்கனி. இதன் மருத்துவ குணங்களை சொல்லி கொண்டே போகலாம். இதை அப்படியே சாப்பிடுவது சிரமமாக இருந்தால் நீங்கள் ஜூஸாக்கி குடிக்கலாம். நெல்லி ஜூஸ் செய்முறையை இப்போது பார்க்கலாம்.


நெல்லிக்காய் போன்ற அருமருந்து வேறு எதுவும் இல்லை. ஆரோக்கியமான அம்சங்கள் இதில் அடங்கியுள்ளன. அம்லா என்று அழைக்கப்படும் நெல்லிக்காய் இந்திய மருத்துவத்தில் முக்கியமானது. வைட்டமின் சி நிறைந்தது நெல்லிக்காய். உடலுக்கு நோய் எதிர்ப்பு சக்தியை அதிகம் தரக் கூடியது. ஜலதோஷத்திற்கு நல்ல மருந்து. காய்ச்சலுக்கும் இது கை கொடுக்கும். இந்த நெல்லிக்காயை எப்படி எடுப்பது என்பதை இப்போது பார்க்கலாம்.

​நெல்லிக்காய் சாறு தயாரிப்பு முறை


தேவையான வை


நெல்லிக்காய் - 3

இஞ்சி - சிறு துண்டு

சீரகம் - 4 டீஸ்பூன்



நெல்லிக்காயை நன்றாக வெட்டிக் கொள்ள வேண்டும். கொட்டையை நீக்கிவிட வேண்டும். சிறு சிறு துண்டுகளாக வெட்டிய பின்னர் இஞ்சியை எடுத்து அதையும் நறுக்கி வைத்துக் கொள்ள வேண்டும். 4 டீஸ்பூன் சீரகமும் எடுத்துக் கொள்ள வேண்டும்.


பிறகு நறுக்கிய அனைத்தையும் தண்ணீரில் கலந்து சீரகத்துடன் சேர்த்து பேஸ்ட் போல அரைத்துக் கொள்ள வேண்டும். தேவையான அளவு தண்ணீர் விட்டு ஐஸ் க்யூப்ஸ் சேர்த்து வடிக்கடி எடுத்தால் அருமையான நெல்லிக்காய் ஜூஸ் தயார். தேவையெனில் சிறிது உப்பு சேர்த்து கொள்ளலாம். இஞ்சி சேர்ப்பதால் நெல்லியின் துவர்ப்பு அதிகம் தெரியாது.


25 முதல் 30 அரை மணி நேரத்தில் இந்த நெல்லிக்காய் ஜூஸ் தயாரிக்கலாம். நல்ல சுவையுடன் கூடியது இந்த நெல்லிக்காய் ஜூஸ். வயதுக்கேற்ப கால் டம்ளர், பாதி அளவு வரை எடுக்கலாம். மாலை வேளைக்கு பிறகு நெல்லி பானம் எடுக்க கூடாது. இரவு வேளைகளில் தவிர்க்க வேண்டும். காலையிலும் வெறும் வயிற்றில் நெல்லி பானம் குடிக்க கூடாது.

​நெல்லிக்காயின் பலன்கள் என்னென்ன


நெல்லிக்காயில் வைட்டமின் சி மட்டும் அல்லாமல் இன்னும் அதிக வைட்டமின், தாதுப் பொருட்கள், ஆன்டி ஆக்சிடன்ட்கள் அடங்கியுள்ளன.அதனாலேயே இது மருத்துவ குணம் நிரம்பியதாக உள்ளது.
நெல்லிக்காய் தொற்று நோய்களிலிருந்து இது நம்மைக் காக்கிறது. உடலின் மெட்டபாலிசத்தை சீராக வைத்திருக்க உதவுகிறது. ஹீமோகுளோபின் அளவு அதிகரிக்க உதவுகிறது. ரத்தம் சுத்திகரிப்பில் முக்கியப் பங்கு வகிக்கிறது. இதயம், கல்லீரல் ஆகியவற்றின் செயல்பாடுகளை சீராக்குகிறது.

சுவாசப் பிரச்சினைகள் இருந்தால் அதை சரி செய்ய உதவுகிறது. சளி, இருமலுக்கு நல்ல நிவாரணம் தருகிறது. தலைமுடி வளர்ச்சியை சீராக்குகிறது. சருமத்திற்கும் நல்ல பளபளப்பை தருகிறது.

​ஆயுர்வேதத்தில் நெல்லிக்காய்


ஆயுர்வேதத்தில் நெல்லிக்காய்க்கு முக்கிய இடம் உண்டு. மன நலம், சரும நலம், தலைமுடி வளர்ச்சி, தோல் பாதுகாப்பு ஆகியவற்றில் நெல்லிக்காயை ஆயுர்வேதம் அதிக அளவில் பயன்படுத்துகிறது. அதேசமயம், அதிக அளவில் நெல்லிக்காயை சாப்பிடவும் கூடாது. அது உடல் நலனுக்கு பாதிப்பை ஏற்படுத்தலாம்.



நெல்லிக்காய் ஜூஸ் தயாரிக்கும்போது சில வழிமுறைகளை கடைப்பிடிப்பது நல்லது. முதலில் நெல்லிக்காயை உப்பு நீரில் சிறிது நேரம் ஊற வைப்பது நல்லது. அது நெல்லிக்காயில் படிந்துள்ள தேவையற்ற அழுக்குகளை அகற்றி விடும்.

​நெல்லிக்காயை எப்படி சாப்பிடுவது


சரியான அளவில் நெல்லிக்காய் சாப்பிடுவதே நல்லது. உடலுக்குத் தேவையான பொருட்கள் இதில் இருந்தாலும் கூட தேவையான அளவு மட்டுமே நெல்லிக்காய் சாப்பிட வேண்டும். அதுவே நல்லதாகும்.

நெல்லிக்காய் பானம், நெல்லிக்காய் சட்னி, நெல்லி மோர், நெல்லிப்பொடி, நெல்லி ஊறுகாய் என்று எடுத்துகொள்ளலாம். இதன் மூலம் பல்வேறு உடல் உபாதைப் பிரச்சினைகளிலிருந்து நாம் நம்மை காக்க முடியும்.


ஒரு நாளைக்கு 1 அல்லது 2 நெல்லிக்காய் சாப்பிடுவது நல்லது. அல்லது டாக்டர்களிடம் கலந்து ஆலோசித்து அதன்படி சாப்பிடலாம் என்று மருத்துவர்கள் கூறுகிறார்கள்.



​நெல்லிக்காய் எடுத்துகொள்ளும் போது எச்சரிக்கையாக இருக்க வேண்டியவர்கள்!


ரத்த அழுத்த பிரச்சனை உள்ளவர்கள், நீரிழிவு உள்ளவர்கள் அளவாக எடுக்க வேண்டும். நெல்லிக்காய் சட்டென்று குறைத்துவிடும் அபாயம் உண்டு. இதய நோயாளிகள் கவனமாக எடுக்க வேண்டும்.

அசிடிட்டி பிரச்சனை இருப்பவர்களும் நெல்லிக்காய் எடுக்க கூடாது. அளவாக எடுத்துகொண்டால் நெல்லிக்கனி அற்புதமான மருந்தாக செயல்படும்.




Comments

Popular posts from this blog

மாணவர்களும்...சமுதாய தொண்டும்...

அசிடிட்டி பிரச்சனையில் இருந்து விடுபட சில எளிய டிப்ஸ்..!!

தமிழகத்தில் ஊரடங்கு நீட்டிப்பு அறிவிப்பு: இன்று வெளியாகிறது!