1500 ஜியோ மொபைல் போன் டவர்களை சாய்த்த விவசாயிகள்

சண்டிகர், டிச. 29- பஞ்சாப் மாநிலத்தில் போராட்டத்தில் ஈடுபட்டுள்ள விவசாயிகள் தற்போது ஜியோ செல்போன் டவர்களை குறி வைத்து தாக்கி சேதப்படுத்தி வருகின்றனர். இதுவரை 1500 டவர்கள் சேதமடைந்துள்ளது. இதுபோலசெல் போன் டவர்களையும், தொலைத் தொடர்பு சேவைகளையும் சேதப்படுத்தினால் கடும் நடவடிக்கை எடுக்கப்படும் என்று பஞ்சாப் முதல்வர் அமரிந்தர் சிங் தெரிவித்துள்ளார். காவல்துறையினர் இதுபோன்ற சம்பவங்களில் கடும் நடவடிக்கை எடுக்குமாறும் அவர் அறிவுறுத்தியுள்ளார்.

மாநிலம் முழுவதும் ரிலையன்ஸ் நிறுவனத்தின் ஜியோ செல்போன் நிறுவனத்திற்கு சொந்தமாக 9000 செல்போன் சிக்னல் டவர்கள் உள்ளன. அதில் 1500 டவர்கள் இதுவரை சேதப்படுத்தப்பட்டுள்ளன. வேளாண் சட்டங்களுக்கு எதிராக போராடி வரும் விவசாயிகள் ஜியோ டவர்களை நீக்குமாறு கூறியும் போராட்டத்தில் ஈடுபட்டுள்ளனர் என்பது குறிப்பிடத்தக்கது.