அடுத்த சில வாரங்களில் நிலைமை உண்மையில் மோசமடையக்கூடும் - அமெரிக்காவின் உயர்மட்ட விஞ்ஞானி அந்தோனி பவுசி

 

அடுத்த சில வாரங்களில் நிலைமை உண்மையில் மோசமடையக்கூடும் அமெரிக்காவின் உயர்மட்ட விஞ்ஞானி அந்தோனி பவுசி என கூறினார்.

வாஷிங்டன்: 

உலகம் முழுவதும் தற்போது 2-வது கட்ட கொரோனா அலை அமெரிக்காவிலும், ஐரோப்பிய நாடுகளிலும் தனது கோர முகத்தை காட்டி வருகிறது. இந்த சூழலில் இங்கிலாந்தில் கண்டறியப்பட்ட புதிய வகை கொரோனா வைரஸ் 8 ஐரோப்பிய நாடுகளில் பரவியுள்ளதாக உலக சுகாதார அமைப்பு தெரிவித்துள்ளது. 

இந்நிலையில் உலகம் முழுவதும் தற்போதைய நிலவரப்படி, 8,11,33,824 பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனா பாதிப்பில் இருந்து இதுவரை 5,72,81,529 பேர் குணமடைந்துள்ளனர். மேலும் வைரஸ் தாக்குதலுக்கு இதுவரை 17 லட்சத்து 71 ஆயிரத்து 424 பேர் உயிரிழந்துள்ளனர். 

கொரோனா தொற்றுக்கு தற்போது 2,20,80,871 பேர் சிகிச்சை பெற்று வருகின்றனர். சிகிச்சை பெறுபவர்களில் 1,05,375 பேரின் நிலைமை கவலைக்கிடமாக உள்ளது

அமெரிக்காவில் 1,95,73,847 பெர் கொரோனாவால் பாதிக்கப்பட்டு உள்ளனர். 3,41,138 பேர் உயிரிழந்து உள்ளனர். 

பிரிட்டனில் இருந்து மக்களை அமெரிக்காவிற்குள் அனுமதிப்பதற்கு முன்பு எதிர்மறையான கொரோனா சோதனைகள் தேவை என்ற அமெரிக்க அதிகாரிகளின் முடிவுக்கு டாக்டர் அந்தோனி  பவுசி ஒப்புதல் அளித்தார்.

இது குறித்து அமெரிக்காவின் உயர்மட்ட விஞ்ஞானி அந்தோனி பவுசி கூறியதாவது:-

கொரோனா தொற்றுநோயின் மோசமான நிலை இன்னும் வரவில்லை. கொரோனா வைரஸின் மாறுபாட்டை அமெரிக்கா கவனித்து வருகிறது. அந்தோனி பவுசி விடுமுறை பயணங்கள் கொரோனா வைரஸை பரப்புவதால் நாடு  ஒரு முக்கியமான கட்டத்திற்கு  செல்லக்கூடும்.

ஜனாதிபதியாக தேர்ந்தெடுக்கப்பட்டஜோ பைடனின் கவலையை நான் பகிர்ந்து கொள்கிறேன், அடுத்த சில வாரங்களில் நிலைமை  உண்மையில் மோசமடையக்கூடும் என கூறினார்.