ரஜினி அறிவிப்பால் ஜோதிட தொழிலை கைவிடுகிறாரா ஷெல்வீ… கிண்டலடிக்கும் நெட்டிசன்கள்…

 

நடிகர் ரஜினி அரசியலுக்கு வரவில்லை என்றால் தான் பார்த்து வரும் ஜோதிட தொழிலை விட்டு விடுகிறேன் என பிரபல ஜோதிடம் ஷெல்வி கூறும் வீடியோ தான் தற்போதைய ட்ரெண்டிங்…

ஒருவழியாக கால் நூற்றாண்டு கால நேரடி அரசியல் கேள்விக்கு முற்றுப்புள்ளி வைத்துவிட்டார் நடிகர் ரஜினிகாந்த். ஜனவரியில் கட்சி தொடங்குவதாக அறிவித்த அவர், திடீரென ஏற்பட்ட உடல்நிலை பின்னடைவு காரணமாக கட்சி தொடங்கப்போவதில்லை என அறிவித்து அனைவரையும் அதிர்ச்சிக்குள்ளாக்கினார்.

இதுகுறித்து பலரும் கருத்து தெரிவித்து வரும் நிலையில், ரஜினியின் அரசியல் வருகை குறித்து பிரபல ஜோதிடர் ஷெல்வி கூறும் வீடியோ இணையத்தில் வைரலாகி வருகிறது. தற்போது பாஜகவின் அறிவுசார் பிரிவின் தலைவராக உள்ள அவர் தான்,  3 ஆண்டுகளுக்கு முன்பே ரஜினி நிச்சயம் அரசியலில் களம் காண்பார் என முதன்முதலில் சொன்னவர்.

மேலும் அவர் அரசியலுக்கு வரவில்லை என்றால் ஜோதிட தொழிலை கைவிடுவதாகவும் அவர் சவால் விடுத்திருந்தார். இவர் இதற்கு முன்னால் கூறிய முன்னாள் முதல்வர் ஜெயலலிதா மருத்துவமனையில் உடல்நலக்குறைவால் சிகிச்சை பெற்று வந்த போது பூரண நலம் பெற்று வீடு திரும்புவார் என்ற கணிப்பும், 2020 ஆம் ஆண்டு சிறப்பாக அமையும் என்ற கணிப்பும் பொய்த்துப் போனது.

ALSO READ : https://tamildhamakanews.blogspot.com/2020/12/blog-post_929.html

LINK

இதனால் இணையவாசிகளால் அதிகம் விமர்சிக்கப்பட்டார். ஆனால் ரஜினி குறித்து கூறிய தகவல்கள் டிசம்பர் மாதத்தில் வெளியான அரசியல் அறிவிப்பு வரை ஒத்துப்போனதை கண்டு அனைவரும் ஆச்சரியமடைந்தனர். ஆனால் நேற்று வெளியான ரஜினியின் அறிவிப்பு அவருக்கு பின்னடைவாக அமைந்துள்ளதாக கூறப்படுகிறது.

இதுவரை தான் கணித்தது எதுவுமே நடக்காததால், தன்னுடைய கணிப்பு தவறிவிட்டது என அவர் ஒத்துக்கொள்வாரா? இல்லை சொன்னபடி தான் பார்த்து வரும் ஜோதிட தொழிலை விட்டு விடுவாரா என்பதை பொறுத்திருந்து தான் பார்க்க வேண்டும்.

VIDEO LINK