இங்கிலாந்தில் கொரோனா வைரஸ் வேகமாக பரவுவதன் எதிரொலியாக இந்திய பங்குச்சந்தைகளில் வர்த்தகம் கடும் வீழ்ச்சி

இங்கிலாந்தில் கொரோனா வைரஸ் வீரியத்துடன் வேகமாக பரவி வருவது, முதலீட்டாளர்களிடம் எதிர்மறையான தாக்கத்தை ஏற்படுத்தியதால், இந்திய பங்குச்சந்தைகளில் கடும் வீழ்ச்சி ஏற்பட்டது.

பங்குகளை விற்று தள்ளியதால், பிற்பகலில் மும்பை பங்குச்சந்தை குறியீட்டு எண் சென்செக்ஸ் 1406 புள்ளிகள் சரிந்து 45 ஆயிரத்து 554 புள்ளிகளில் நிறைவுற்றது. தேசிய பங்குச்சந்தை குறியீட்டு எண் நிப்டி 432 புள்ளிகள் வீழ்ச்சி அடைந்து 13 ஆயிரத்து 328ல் நிலை கொண்டது. வங்கி, நிதி, ஊடக துறை பங்குகளை கடும் சரிவை சந்தித்தன.

கடந்த சில வாரங்களாக வெளிநாட்டு நிறுவன முதலீட்டாளர்கள் இந்திய பங்குச்சந்தைகளில் பல ஆயிரம் கோடி ரூபாய் முதலீடு செய்து வந்ததால், தொடர்ந்து புதிய உச்சத்தில் இருந்து வந்த நிலையில் இந்த சரிவு ஏற்பட்டுள்ளது.