WhatsApp நிறுவனம் பயனர் அனுபவத்தை மேம்படுத்தும் வகையில் பல சுவாரஸ்யமான அம்சங்களை உருவாக்கி வருகிறது.
மெசேஜிங் செயலியான WhatsApp, பயனர்கள் கடைசியாகப் பார்த்த நேரத்தை (last seen), சுயவிவரப் படங்களைத் தேர்ந்தெடுக்கப்பட்ட பயனர்களிடமிருந்து மறைக்க அனுமதிக்கிறது.
அதேபோல், பயனர்களின் விருப்ப அடிப்படையில் Delete Message for Everyone என்ற அம்சத்திற்கான கால வரம்பை நீட்டிக்கவும், மொபைல் பயனர்களுக்கான ஸ்டிக்கர் தயாரிக்கும் அம்சத்தை (custom sticker maker) வெளியிடும் முயற்சியில் WhatsApp செயல்பட்டு வருகிறது.
இதுபோன்று, பெரும்பாலான அம்சங்கள் தற்போது உருவாக்கத்தில் உள்ளன. எனவே, வாட்ஸ்அப் விரைவில் அறிமுகப்படுத்தவிருக்கும் அம்சங்களை பார்ப்போம்.
அனைவருக்கும் செய்தியை நீக்கு (Delete Message for everyone)
Delete Message for everyone அம்சத்தின் கால வரம்பை நீட்டிக்க WhatsApp செயல்படுவதாக கூறப்படுகிறது. தற்போது, பயனர்கள் செய்தியை அனுப்பிய ஒரு மணி நேரத்திற்குப் பிறகு நீக்க முடியும், ஆனால் இப்போது வாட்ஸ்அப் ஒரு வாரத்திற்குப் பிறகு செய்தியை நீக்குவதற்கான சாத்தியத்தை சோதித்து வருகிறது. செய்திகளை நீக்கும் அம்சத்திற்கான கால வரம்பை நீக்குவதற்கான விருப்பத்தையும் வாட்ஸ்அப் பரிசீலித்து வருகிறது.
அனுப்பப்பட்ட குரல் குறிப்புகளை வேகப்படுத்தவும் (Speed up forwarded voice notes)
ஃபார்வர்டு செய்யப்பட்ட குரல் குறிப்புகளை விரைவுபடுத்துவதற்கான சாத்தியக்கூறுகளிலும் WhatsApp செயல்படுகிறது. தற்போது, பயனர்கள் 1.5X வேகத்தை அதிகரிப்பதன் மூலம் குரல் செய்திகளை வேகமாக பெறலாம். இருப்பினும், ஃபார்வர்டு செய்யப்பட்ட குரல் குறிப்புகளில் இதைச் செய்ய முடியாது. அனுப்பிய விதத்திலேயே கேட்க வேண்டும். சமீபத்திய தகவல்களின்படி, வாட்ஸ்அப் இப்போது ஃபார்வர்டு செய்யப்பட்ட குரல் குறிப்புகளை வேகப்படுத்த பயனர்களை அனுமதிக்கும். அதற்காக, வாட்ஸ்அப் தற்போது ஃபார்வர்டு செய்யப்பட்ட குரல் செய்திகளில் புதிய பிளேபேக் பொத்தானைப் பெறுவதற்கான அம்சத்தில் செயல்படுகிறது.
தேர்ந்தெடுக்கப்பட்ட எண்களில் இருந்து லாஸ்ட் சீன், தனியுரிமை செட்டிங்கை மறைத்தல் (Hide privacy setting, last seen from selected contacts)
வாட்ஸ்அப் பயனர்கள் Last Seen, Profile Picture உள்ளிட்டவற்றை மறைக்க விரைவில் அனுமதிக்கும். இப்போதைக்கு, பயனர்கள் தங்கள் Last Seen நேரம், Profile Picture மற்றும் About பகுதியை அனைத்து தொடர்புகளிலிருந்தும் மறைக்க முடியும். குறிப்பிட்ட தொடர்புகளிலிருந்து மறைக்கும் ஆப்ஷனை வழங்கவில்லை.
தற்போதைய அமைப்புகளில், நீங்கள் Last Seen-ஐ மறைத்தால், நீங்கள் மற்றவர்களது Last Seen நேரத்தையும் உங்களால் பார்க்க முடியாது என்பதையும் கவனத்தில் கொள்ள வேண்டும். இதேபோல், நீங்கள் நீல நிற டிக்களை முடக்கினால், உங்கள் செய்தியை மற்றவர் படித்தாரா இல்லையா என்பதை நீங்கள் அறிய முடியாது.
மொபைலுக்கான தனிப்பயன் ஸ்டிக்கர் தயாரிப்பு அம்சம் (Custom sticker maker for mobile)
மொபைல் செயலியில் பயனர்கள் தங்கள் சொந்த ஸ்டிக்கர்களை உருவாக்க WhatsApp விரைவில் அனுமதிக்கும். பயன்பாட்டின் இணையப் பதிப்பில் இந்த அம்சம் வெளியிடப்பட்டது. இந்நிலையில், பயன்பாட்டில் பயனர்கள் தங்கள் சொந்த ஸ்டிக்கர்களை உருவாக்க அனுமதிக்கும் அம்சத்தில் WhatsApp செயல்படுவதாக 91Mobiles தெரிவித்துள்ளது.
வாட்ஸ்அப் இந்த அம்சத்தை வரும் வாரங்களில் அனைத்து பயனர்களுக்கும் வழங்கக்கூடும். இருப்பினும், வாட்ஸ்அப் இந்த அம்சத்தை எவ்வாறு அறிமுகப்படுத்த திட்டமிட்டுள்ளது என்பதை வெளியிடவில்லை. வாட்ஸ்அப் பயனர்கள் முதலில் படங்களை பதிவேற்றி அவற்றை ஸ்டிக்கராக மாற்ற அனுமதிக்கலாம் என்று அறிக்கை கூறுகிறது. படங்களை கிராப் செய்ய, இரண்டு படங்களை ஒட்டவும் மற்றும் பலவற்றை செய்யவும் edit tools-ஐ WhatsApp அறிமுகப்படுத்தலாம்.
ALSO READ : பேடிஎம் நிறுவன வருவாய் இத்தனை கோடிகளா?
Comments
Post a Comment