உங்களுக்கு உடல் எடையை சீக்கிரமே குறைக்கனுமா? இந்த சூப்பை மறக்காமல் குடிச்சாலே போதும்....

 பொதுவாக இன்றைய காலத்தில் எடையைக் குறைப்பது என்பது சவாலான ஒன்றாக மாறிவிட்டது.

அதிலும் உடல் எடையைக் குறைப்பதற்கு ஒருசில உணவுப் பொருட்களும் உதவியாக இருக்கும். அந்த உணவுப் பொருட்களை உட்கொண்டு வந்தால், எதிர்பார்த்த உடல் எடையைக் குறைக்கும் இலக்கை எளிதில் அடைய முடியும்.

அதில் ஒன்றான பார்லியை தொடர்ந்து சாப்பிடுபவர்களுக்கு உடலில் இருக்கின்ற கொழுப்புச் சத்துக்கள், உடலில் படியாமல் தடுத்து, உடல் எடையை கட்டுக்கோப்பாக வைக்க உதவுகிறது.

அந்தவகையில் இதனை எப்படி எடுத்து கொள்ளலாம் என்பதை பார்ப்போம்.    

தேவையான பொருட்கள்

• கம்பு - 1 கப்
• பார்லி - 2 கப்
• வெங்காயம் - 1
• செலரிக் கீரை - 1
• தக்காளி - 1
• முட்டைக் கோஸ் - சிறிதளவு
• உருளை - 1
• கேரட் - 1
• ஓமம் - 1 சிட்டிகை
• துளசி - 1 சிட்டிகை
• உப்பு - தே. அளவு
• மிளகுத் தூள் - தே. அளவு

செய்முறை 

• வெங்காயத்தை சதுரமாக நறுக்கி வைத்துக் கொள்ளவும். செலரிக் கீரையை ஆய்ந்து மண் நீக்கி சிறியதாக நறுக்கி வைத்துக் கொள்ளவும்.
  
  
• அத்துடன் கேரட், உருளை, கோஸ் ஆகியவற்றையும் நன்கு கழுவி சிறியதாக நறுக்கி வைத்துக் கொள்ளவும். பின்னர் தக்காளியை நன்கு அரைத்து வைத்துக் கொள்ளவும்.
• முதலில் கம்பையும், பார்லியையும் ஊறவைத்துக் கொள்ளவும்.
  
  
• ஒரு வாணலியில் வெங்காயம், செலரி, தக்காளி ஆகியவற்றை சேர்த்து நன்கு வதக்கவும். பின்னர் மூன்று பங்குத் தண்ணீர் சேர்த்து கம்பையும், பார்லியையும் நன்கு களைந்து அடுப்பை சிம்மில் வைத்து மிதமான சூட்டில் வேக வைக்கவும்.
  
  
• ஓரளவு வெந்தவுடன் உப்பு, மிளகுத் தூள், ஓமம், துளசி ஆகியவற்றை எல்லாம் சேர்த்துக் கிண்டி பாத்திரத்தை மூடி வைக்கவும்.
  
  
• அவ்வப்போது மூடியை திறந்து நன்கு கிண்டி விட்டுக் கொள்ளவும். தண்ணீர் வற்றக் கூடாது. இந்நிலையில் சில நிமிடங்களில் பார்லி நன்றாக வெந்துவிடும்.
  
  
• பார்லி வெந்தவுடன் அடுப்பை அணைத்து விட வேண்டும். இப்போது சுவையான பார்லி சூப் தயார். உடனே சூடாக அனைவருக்கும் பரிமாறலாம்.   

ALSO READ : தினமும் 20 நிமிடம் பின்னோக்கி நடைப்பயிற்சி செய்வதனால் கிடைக்கும் நன்மை என்ன தெரியுமா?