வாழைத்தண்டு பொரியல் சுடச் சுட செய்வது எப்படி! பத்தே நிமிடத்தில் ரெடி....

 முருங்கை கீரையுடன் வாழைத்தண்டை சேர்த்து பொரியல் செய்தால் அருமையாக இருக்கும். 

இந்த ரெசிபையை தெரிந்து கொள்ளுங்கள்.

தேவையான பொருட்கள்

1. முருங்கைக்கீரை - 1 கப் 
2.  வாழைத்தண்டு - சிறிய துண்டு
3.  வெங்காயம் - 1
4.  தேங்காய் துருவல் - 2 ஸ்பூன் 
5.  பச்சை மிளகாய் - 1 
6.  சிகப்பு மிளகாய் - 1
7.  கடுகு, உளுத்தம் பருப்பு - தாளிக்க 
8.  எண்ணெய் - 2 ஸ்பூன் 
9.  உப்பு - தேவைக்கு

 செய்முறை 

முருங்கைக்கீரையை நன்றாக கழுவி சுத்தம் செய்து கொள்ளவும்.  ப.மிளகாய், வெங்காயத்தை பொடியாக நறுக்கி கொள்ளவும். 

வாழைத்தண்டை நாரை எடுத்து விட்டு மெல்லி துண்டுகளாக நீளவாக்கில் வெட்டி மோரில் போட்டு வைக்கவும். இவ்வாறு மோர் கலந்த நீரில் வாழைத்தண்டு துண்டுகளை போட்டு வைப்பதால் நிறம் மாறாமல் இருக்கும். 

வாணலியை அடுப்பின் எண்ணெய் ஊற்றி சூடானதும் கடுகு, உளுத்தம் பருப்பு, காய்ந்த மிளகாய், ப.மிளகாய் போட்டு தாளித்த பின் வெங்காயத்தை போட்டு வதக்கவும்.

வெங்காயம் சற்று வதங்கியதும் வாழைத்தண்டு சேர்த்து ஒரு முறை கிளறி விடவும்.

வாழைத்தண்டு சற்று வெந்ததும் முருங்கைக்கீரை மற்றும் உப்பு சேர்த்து நன்கு கிளறி அடுப்பை மிதமான தீயில் வைத்து மூடி போட்டு வேக வைக்கவும். 

இரண்டும் வெந்ததும் தேங்காய் துருவல் சேர்த்து கிளறவும். சுவையும் சத்தும் நிறைந்த முருங்கைக்கீரை வாழைத்தண்டு பொரியல் தயார்.

சாம்பார் மற்றும் ரசம் சாதத்துடன் தொட்டுக்கொள்ள அருமையாக இருக்கும்.

ALSO READ : உங்களுக்கு உடல் எடையை சீக்கிரமே குறைக்கனுமா? இந்த சூப்பை மறக்காமல் குடிச்சாலே போதும்....