சாம்சங் நிறுவனம் அறிமுகப்படுத்திய Balance Mouse - இணையத்தில் வைரலாக காரணம் என்ன?

 Wired, Wireless, Bluetooth என வித விதமாக மவுஸ்கள் சந்தையில் வந்துவிட்டன. இவற்றுடன், தற்போது சாம்சங் நிறுவனம் புதியதோர் மவுஸை அறிமுகப்படுத்தியுள்ளது.

பணி நேரம் முடிந்ததும் வேலை செய்வதை நிறுத்திக்கொள்ளும்படியாக ஒரு மவுஸை அறிமுகப்படுத்தியுள்ளது சாம்சங் நிறுவனம். 

கணினிமயம் ஆகிவிட்ட உலகத்தில், முக்கியத் தேவைகளில் ஒன்று mouse. கணினிகள் பயன்படுத்தும்போது, தனியாக மவுஸ் பயன்படுத்தவேண்டும். ஆனால், மடிக்கணினிகளுக்கு அப்படியில்லை. 

சமயத்தில் மடிக்கணினிகளுக்கும் தனியாக நாம் மவுஸ் பயன்படுத்துபவர்களைப் பார்த்திருப்போம். இதனால் கம்ப்யூட்டரில் வேலை செய்ய  நமக்கு இன்னும் எளிதாக இருக்கும். Wired, Wireless, Bluetooth என வித விதமாக மவுஸ்கள் சந்தையில் வந்துவிட்டன. இவற்றுடன், தற்போது சாம்சங் நிறுவனம் புதியதோர் மவுஸை அறிமுகப்படுத்தியுள்ளது. 

அந்த மவுஸ் நம் பணி நேரம் முடிந்ததும், வேலை செய்வதை நிறுத்திவிடும். இதனை நிறுவனம், ஊழியர்களின் வொர்க்-லைஃப் பேலன்ஸை பாதுகாக்க அறிமுகப்படுத்தியதாக கூறியுள்ளது. இதன் பெயர் பேலன்ஸ் மவுஸ்.

சாம்சங் நிறுவனம் ஒரு விளம்பரத்தை வெளியிட்டிருந்தது. அதில் ஒருவர் நெடுநேரமாக வேலை பார்த்துக் கொண்டிருக்கிறார். இவர் தன் வேலைக்காக பேலன்ஸ் மவுஸை பயன்படுத்திக்கொண்டிருக்கிறார். அப்போது அந்த மவுஸ் அவர் கையை விட்டு நழுவி ஓடி செல்கிறது. காரணம், அவர் தன் பணி நேரம் முடிந்து வேலைபார்த்துக்கொண்டிருக்கிறார். இது அந்த மவுஸ்க்கு பிடிக்கவில்லை. அவரிடம் இருந்து ஓடி சென்ற அந்த எலி, தனித்தனி பாகங்களாகவும் பிரிந்து விடுகிறது. 

இப்படி தான் அந்த பேலன்ஸ் மவுஸின் கான்சப்ட்டை அறிமுகப்படுத்தியது சாம்சங் நிறுவனம். இந்த மவுஸின் வடிவமும் பார்ப்பதற்கு எலியை போல தான் இருக்கிறது. 

இதனை இணையத்தில் பார்த்த பலரும், தங்கள் மேலதிகாரிகள் கண்களில் படும்வரை இந்த செய்தியை பகிருங்கள் என்று கருத்துகளை தெரிவித்து வருகின்றனர்.

ALSO READ : பயணத்தின் போது பாதியாக பிரிந்த ரயில்..! - இங்கிலாந்தில் அதிகாரிகளை பதறவிட்ட டிக் டாக் யூசரின் வீடியோ...